Ioane 1:32 - Te B'aib'ara

³² Ao aikai ana taeka riki Ioane ni kaotioti: “I nora te Tamnei are Tabu b'a E ruo mai karawa n ai aron te taobe, ao E tiku i rouna.

Ioane 1:32 ပူးပေါင်းရင်းမြစ်များ

Itaia 11:2

E na meemena taamnein te UEA i rouna n anganna te ataib'ai, te rabakau, ao te wanawana. E na korakora, ao e na ataa te UEA ma ni karinea.

Mataio 3:16

Ngke E a tia ni b'abetitoaki Iesu, ao E aerake naba man te ran, ao noria, e kaukaki karawa nako Ina, ao E nora Tamnein te Atua b'a E ruo n ai aron te taobe, ao E toka i aona;

Mareko 1:10

Ao n te tai naba are E aerake iai man te ran, ao E nora karawa b'a e uki, ao te Tamnei are Raoiroi b'a E ruonna n ai aron te taobe;

Ruka 3:22

ao E ruona aona te Tamnei are Raoiroi n rab'atana ae kanga taraan te taobe, ao e roko te b'ana mai karawa ae kangai, “Natiu ae Ko tangiraki Ngkoe; I kakatonga i Roum.”

Ioane 1:31

Akea ataakina i rou b'a antai Ngaia, ma I roko ni b'ab'abetito n te ran b'a e aonga n ataaki irouia Iteraera.”

Ioane 1:7

E roko b'a te tia kakoaua ngaia i bukin te Oota arei, b'a a aonga ni bane aomata n onimaki n ana kaotioti.

Ioane 5:32

Ma iai Tamau ae kaotioti naba i buku, ao I ataia b'a ana kaotioti e boni koaua.