Ieremia 9:10 - Te B'aib'ara

¹⁰ I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:10 ပူးပေါင်းရင်းမြစ်များ

Itaia 41:15

N na kairiko kaanga te kai ae e onrake n taian ing. Ao ko na kamanti ma ni kamanatui taiani maunga ma tabuki ni karokoa a riki b'a te taaurouro.

Itaia 49:19

E a maenikun ngkai Ierutarem! Bon akea te b'ai teuana ae e tiku n te kaawa. Ma e na manga moan karaoaki ao e na manga waekoa n onrake n te aomata; ao a na kairiribai aika a iowawaa a na bane n nako n taabo aika a raroa.

Ieremia 12:10

E a urubekebeke abau ae moan te tamaroa kaanga te tawaana ke te nne n aroka ni kureebe ae e kamanatuaaki irouia te nanai n tiibu ma ni kaboraaki aona irouia te nanai ni kao.

Ieremia 12:11

A bane n akea kain taian tawaana aika I noori ao akea temanna ae e tabe iai.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 14:6

A mataki taian ati ake a aki manana i bukin korakoran te mate ni baki. Ma ngaia are, a tei i aon taian tabuki ao a kaaneneboia te ang, ma aia kaantaninga b'a a na aroka boin te uteute ae e mawaawa.

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Ieremia 23:10

A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 50:3

E na roko mai meaang buakanakiia kaain B'aburon; a na kaai ni biri nako ma aia man, ma ni katuka te aba ma akea kaaina.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Ieremia 8:18

I taonaki n te rawaawata kaanga e a b'ara nanou.

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 2:11

A tibutibu matau n tang, e a korakai tamneiu. E korakai nanou n rawaawatau i bukin kamaunakiia au aomata. A wene ni baki ataei i nanon te kawai i nuukan te kaawa.

B'aeb'aeti 5:18

i bukina b'a e a tiku ni kitanaki ma ni kamaroaa te maunga are Tion, ao e a riki b'a ai nneia kameanti.

Etekiera 14:15

Ke ngkana tao arona b'a I katuaaea te botannaomata ni kanakoia maan aika aki manana b'a a na kaniia aomata ma ni kakamaakuia taan rikekei b'a e aonga n akea kaain te aba.

Etekiera 27:2

Etekiera ae natin te aomata, ko na anenea te kuna ni mate i bukin Turo,

Etekiera 29:11

E na bon akea naba aomata ke te man ae e na kataia ni m'ananga nako Aikubita, i bukina b'a akea kanikinaean te maiu iai i nanon abwi te ririki.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Ioera 1:19

I tangi ni weteiko te UEA. A kanaki taabo n uteute ao taiani buakonikai n te ang ae e kabuebue.

Amota 5:1

Kam na ongora, Iteraera, nakon te kuna n rainanoanga ae I aneneia nakoimi:

Amota 5:16

Ao te UEA ae m'aaka e na kangai, “E na iai te tang n nanokawaki i nanon kawain te kaawa. Taan ununiki a na bon tang naba i bukiia ake a mate

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.