Ieremia 7:34 - Te B'aib'ara

³⁴ Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

Ieremia 7:34 ပူးပေါင်းရင်းမြစ်များ

Iobi 3:7

Karikia b'a te bong ae kanoabo ae akea te kakukurei i nanona.

Taian Areru 78:63

A mate aia rorobuaka n te buaka, Ao akea ae a na mare ma aia ateiaine.

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 3:26

E na tanginiwenei te kaawa ae e buubura ao a na tekateka i aon te baareka, ao a na akea kaaina.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 16:9

Kauringiia kaain Iuta b'a N na katoki aia bootaki ni kukurei ma aia botaki ni mare Ngai ae te UEA ae Moan te M'aaka.

Ieremia 22:6

Kam na ongora nakon te b'ai ae I iangoia. Ti te bo mimitongin ana bareti uean Iuta ma Kireata ke taubukin Reb'anon are te kabanea n rietaata. Ma e na riki b'a kaanga te kaawa n anti ae akea kanoana ngkana I karaoa taekana.

Ieremia 25:10

N nang katoki ami baka ni kukurei ma bootaki ni mare; akea riki ae e na manga kamanta te uita ke ni mena ikai ni kaura te taura n te bong.

Ieremia 27:17

Ngkana kam iangoia b'a kam na ongotaeka i roun uean B'aburon, ao kam na maiu. Ma ngkana kam ongo irouia burabeti aikai, ao e na riki te kaawa aei b'a b'ariko ni b'ai aika a uruaki.

Ieremia 33:10

Ieremia, ko taku b'a e na rereua te aba aei ao akea aomata ma maan iai, ao n te tai aei, e bon eti are ko taekinna. A akea kaain kaawan Iuta ao e a rereua kawain te kaawa i Ierutarem, ao bon akea aomata ma maan n nooraki n taabo nako. Ma a na roko boong ane ko na manga ongo iai

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 4:26

A riki b'a taian rereua taabo n ununiki ngkoa, ao a uruaki kaawa nako. E kariki b'aai aikai ni kabane unin te UEA ae e kakamaaku.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

B'aeb'aeti 5:14

A akea karinean aia moti unim'aane ni mataroan te kaawa, e a toki naba te katangitang irouia rorobuaka n ataei.

Etekiera 26:13

Bon akea riki bukina b'a kam na anene ke ni katangitang n taian aabi,

Etekiera 7:11

ao a biri nako buure aika a tiritiri. Bon akea i buakomi ae e na reke maiuna n te kabuanib'ai aei, ao a na bane ni maaerikiriki ami b'ai nako aika a rangi ni kakaawaki.

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Mika 7:13

Ma e na riki n rereua te aonnaba i bukin aia m'akuri aika a buakaka ake a maeka iai.

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”