Ieremia 52:7 - Te B'aib'ara

⁷ ao e a uruaki oon te kaawa. Ni bon te tairiki naba anne, a kataia Etekia ni biri nako man mataroan te kaawa are i rarikin ana nne n aroka te uea, e ngae ngke a bon ataia b'a e katobibiaki te kaawa irouia aia kairiribai. E biri nako ni kaineta te M'arua are Ioretan,

Ieremia 52:7 ပူးပေါင်းရင်းမြစ်များ

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

Ieremia 49:26

N te tai ae e aki maan, a na wene ni mate ami tautia i nanon kawain nako te kaawa. Bon aei au taeka Ngai ae te UEA ae Moan te M'aaka.

Ieremia 51:32

A teiakina ngkai te ri aon te karaanga kairiribai! A a urarake taabo ake a aom'aim'ai! A a tia ni buannano te taanga ni buaka!”

Ieremia 6:5

ao ti na buaka n te roo ma n uruakii nonona.”

Etekiera 12:12

E na tabeki ana baaeki nako aon angana te tia kairiiri i Ierutarem ngkana e a bung taai ao e na otinako man te b'angab'anga are e karaoaki irouia tabeman n oon ana auti. E na karabaa matana, b'a e aonga n aki noora te aba are e a kitanna.

Etekiera 12:4

Ngkana ko tia ni karaoa aei, ko na oki rikaaki nakon am auti. Ao rimwi riki n te tairiki anne ko na kiitana am auti kaanga ai aron ae ko nang nakon te kataenikaiaki.

Etekiera 33:21

Tebwi ma uoua te ririki i mwiin anaakin te Uea are Ieoiakin ma nikiraia ara koraki b'a taenikai nako B'aburon, ao e roko irou temanna ae e biri nako mai Ierutarem n nimaua bongin te katebwina n nam'akaina. E kaongoai b'a e a tia ni b'aka te kaawa.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Nakoaia Ibonga 26:36

Ane kam na ruru ni maaku ni m'akaikain baan te aroka, kaanga te kabaang i abaia ami kairiribai.

Amota 4:3

Ko na katikaki nakon b'angab'angan te o ae e uakaan man teweaki nako iai.”

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.