Ieremia 52:6 - Te B'aib'ara

⁶ N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

Ieremia 52:6 ပူးပေါင်းရင်းမြစ်များ

Itaia 3:1

E nang uoti nako b'aai ni kabane te UEA ae Moan te M'aaka aika b'aai aika kam tangiri mai Ierutarem ao Iuta ami kariki ma ami ran,

Ieremia 15:2

Ao i mwiina, a na titiraki b'a a na kanakoaki nakea, ao tuangiia Au taeka Ngai ae te UEA ae e kaangai: Tabeman maibuakomi a na mate n te aoraki ae e kamaamate. Ao tabeman, a na mate n te buaka ke n te baki. Ao nikiraia ana uotaki nako abaia ianena.

Ieremia 19:9

Ane e na bane te am'arake ngkana a tabe n iangoa uruan te oo ami kairiribai b'a a na tiringngkami. Ao e na rikirake bakimi n te aro are kam na bon kana irikoia raomi ni karokoa naba bon natimi.

Ieremia 21:9

A tia kaain B'aburon ni katobibia Ierutarem, ma ngaia are, ngkana kam kani maiu ao kam na otinako nako ia n taenikai irouia. Ma ngkana kam tangiria ni mate n te baki, ke te aoraki, ke te buaka, ao kam na tiku ikai i nanon te kaawa.

Ieremia 25:10

N nang katoki ami baka ni kukurei ma bootaki ni mare; akea riki ae e na manga kamanta te uita ke ni mena ikai ni kaura te taura n te bong.

Ieremia 37:21

Ao e anga ngai te uea are Tetekia b'a N na kainaki n te karabuuti n aia katawanang taan tei n te bareti. E tuangiia tautia b'a a na angaanganai te kariki mai buakon ake a kam'aaki ni katoa bong ni karokoa banen te uita man te kaawa.

Ieremia 38:9

Te uea ae ko karineaki, bon te burabeti Ieremia, ao a karaoa ae e aki raoiroi mm'aane aikai nakoina ngkai a karenakoa nakon te m'anib'a. Ao e na bon mate i nanona ikekei Ieremia ngkana e a bane te am'arake mai Ierutarem.”

Ieremia 39:2

Ao e b'aka nonon te kaawa ni karuaiwan bongin te nam'akaina are te kaaua n ana katebwi ma teuana n ririki ni uea Tetekia.

B'aeb'aeti 1:11

A tang ni korakai aomatana ngke a kakaei kanaia; A rairi aia b'ai nakoia tabem'aang n te am'arake b'a aonga n aki mate. E a tang Ierutarem nakon te UEA, “Taiaoka te UEA, taraa rawaawatau.”

B'aeb'aeti 5:10

A bue rab'atara ni korakoran te baki, ni karokoa e a kabuebue kunra n ai aron te ai ni umum.

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Etekiera 31:1

Tebwi ma teuana te ririki i mwiin anaakin te Uea are Ieoiakin ma nikiraia aomata b'a taenikai nako B'aburon, ao E taetae te UEA nako iu ni moanibongin te katenua n nam'akaina. Ao E taku:

Etekiera 5:16

N na urui arokami ni karokoa kam mate ni baki, ao e na oroingkami taiani kabuanib'ai kaanga taian kanoanikatebe.

Etekiera 7:15

A mena n taabo nako te buaka, te aoraki, ao te baki! A na tiringaki aomata akana a maeka i tinanikun te kaawa n te buaka, ao akana a maeka i nanon taiani kaawa a na mate n te baki ke te aoraki ae e kamaamate.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Te Tua-Kaua 32:24

Kam na oreaki n te baki ao taian aoraki ae kamaamate, ao n aia boitin maan aika kawakawa aika aki manana ao aia boitin taian naeta.