Ieremia 52:27 - Te B'aib'ara

²⁷ n te aba are Amata. Ao e a anaaki i roun te uea ikekei ma n oreaki ni karokoa matena. A uotaki nako kaain Iuta mai abaia nakon te kataenikaiaki.

Ieremia 52:27 ပူးပေါင်းရင်းမြစ်များ

2.Tamuera 8:9

A tia ni kairiribai te uea are Toi mai Amata ao te uea are Atatetera. Ma ngaia are, ngke e ongo Toi ae e a tia Tawita ni kataenikaia ana taanga ni buaka ae e b'anin Atatetera, e a kanakoa natina te m'aane are Ioram n angan Tawita te kaaitau.

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

Itaia 24:3

E na kanakoaki ni kakeaaki te aonnaba ao e na tiku n aron anne. Bon anne ana berita te UEA.

Itaia 27:10

A na tiku taian nono kaanga taian rereua ike akea ae e maeka iai. A na nakonako taiani kao i aona ae e a urubekebeke, ni kabaabanei arokan aona.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Ieremia 13:19

A a katobibiaki kaawan nako Rereuan Maiaki; ao bon akea temanna ae e kona n rin ke n otinako. A na uotaki nako kaain Iuta ni kabane.

Ieremia 20:4

Ane ko na maaku, ao ko na manga kakamaakuia raom. Ane ko na nooria kairiribai aika a tiringaki n te buaka. Ao i mwina, N na karaoa uean B'aburon b'a e na anai aomata ni kabane mai Iuta b'a taenikai, e na tiringiia tabem'aang ao e na katikitikiia tabem'aang nako B'aburon.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 39:10

Bon ti aomata aika akea abaia ake a tiku i Iuta, ao Nebukaneta e anganiia aia tawaana ma aia nne n aroka ni kureebe.

Ieremia 39:9

Ao Nebutaratan, te aobitia are e tararuaia taan tei, e kairiia aomata ni kabane man te kaawa b'a taenikai, ao ai uana naba ma koraki ake a tia ni kaaina ana itera Nebukaneta.

Ieremia 52:9

E uotaki Tetekia nako Ribena n te aba are Amata, ike e a baairea iai taekana Nebukaneta ao e reke n te bure.

Etekiera 33:28

N na karika te aba ni kabuta b'a te aba ae akea manenana ao ni kamaunaa te m'aaka are kam kainikatonga iai. A na akea naba arokan aon taiani maunga, ao bon akea ae e na kataia n riaoi.

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.