Ieremia 51:62 - Te B'aib'ara

⁶² ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Ieremia 51:62 ပူးပေါင်းရင်းမြစ်များ

Ieremia 25:12

Ngkana e a roko n tokina te tai anne, N na manga katuaaea te uea ma ana aomata i bukin taiani kairua ni kabane ake a tia ni karaoi, ao N na manga onika te aba nakon te aba ae akea manenana n aki toki.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 33:12

E taku ana taeka te UEA ae Moan te M'aaka, “N te aba aei are kaanga ai aron te rereua ao akea aomata ma maan ni maiu iai ngkoa, a na manga reke iai taabo n uteute ike a na kairiia aia tiibu taani kaawakintiibu nako iai.

Ieremia 50:12

Ti te bo te kaawa ae B'aburon ma kaanga te tina nakoim. Ma e nang kab'ainrangaki ao e na riki n akea arona b'a ti te rereua ae akea kain aona.

Ieremia 50:13

E na urua B'aburon uniu, ao bon akea ae e konaa ni maiu ikekei. A na bane aika a rirarikim n tiaoki ngkana a noora te b'ai ae e a tia n riki.

Ieremia 50:3

E na roko mai meaang buakanakiia kaain B'aburon; a na kaai ni biri nako ma aia man, ma ni katuka te aba ma akea kaaina.

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

Ieremia 51:43

E na oroi kaawa akana a uakaan te urub'ai ae e kakamaaku. E na riki te aba b'a te rereua ae akea kain aona, ike akea ae e konaa ni maiu iai ke ni m'ananga iai.

Ieremia 51:61

I anga nakon Teraia ao I kaangai: Ngkana kam roko i B'aburon, ko na wareka te niira ni boki aei ni kaoa b'anaam,

Etekiera 35:9

ao e na wene n uruaki abam n aki toki. Bon akea temanna ae na manga maeka riki i nanon am kaawa nako. Kam na ataia b'a bon te UEA Ngai.