Ieremia 51:58 - Te B'aib'ara

⁵⁸ A na tabwenaua oon te kaawa ake a matenten, ao a na bane ni bue mataroana ake a totoakaei. A na aetorake b'a te bubu b'aai ni kabane ake a tia ni m'akuri korakora i bukin karekeaia.

Ieremia 51:58 ပူးပေါင်းရင်းမြစ်များ

Taian Areru 127:1

Ngkana E aki katea te auti te Atua, ao e matebuaka aia m'akuri taani kateitei. Ngkana E aki teiakina te kaawa te Atua, ao e matebuaka aia tei taan tantani.

Itaia 13:2

Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

Itaia 47:13

Ko a tia ni kakuako, n titiraki taeka ni buobuoki mairouia ake a kamateb'ai taian itoi n taekin iai kanoan bong aika a na roko te nam'akaina teuana i mwiin teuana. Naako titirakiniia arom ni kamaiuaki man b'aai aika a nang riki.

Itaia 65:23

A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Ieremia 50:15

Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Ieremia 51:64

“Aio aron inakon B'aburon ngkana e uruakaki i roun te UEA. A na bane ni mate kaain te kaawa, ao e na aki manga reke korakorana n teirake.” E bane ikai ana koroboki Ieremia.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Ieremia 9:5

A kakuaia i bon irouia, ni kakaea te anga teuana ae e boou ni keweia raoraoia.

B'aeb'aeti 5:5

Ti a kam'akuraki n ai aron te aati ma te kaamero. Ti rootaki n kua ma ti aki kariaiakaki ni motirawa.

Ab'akuka 2:13

Botannaomata ake a b'aka iroum, a kabanei aia tai ni m'akuri iroum ao b'aai ni kabane aika a katei, ana bane ni buee n te ai. E na karaoi baikai te UEA ae E m'aaka.