Ieremia 51:46 - Te B'aib'ara

⁴⁶ Kam na aki maaku ke ni kabuai ami kaantaninga, e ngae ngke iai taian maningongoo ae taekaia taani kairiiri i bukin kairan te waaki i nanon te kaawa ae e buubura ae B'aburon i nanon ririki ma ririki.

Ieremia 51:46 ပူးပေါင်းရင်းမြစ်များ

2.Uea 19:7

N na kab'araa nanona n taiani maningongoo i bukin ana kaawa. Ane e na oki, ao N na karaoia b'a e na mate ikekei n te mate ae e rangi ni kakamaaku.

2.Rongorongo 20:23

Ma ngaia are, a teirake aia taanga ni buaka kaain Ammon ao Moaba ni buakaniia ake kaain Etom ma ni kamaunaiia ni kabane. Ao i mwiina, a manga rairakiia i bon irouia ma ni buaka ni karokoa a bon bane ni mate kaain te maeka arei!

Iobi 23:16

E a tia n urua ninikoriau te Atua ae m'aaka,

Taeka n Rabakau 24:10

Tai b'ara n nano ma ni kakeaa am iango i nanon tain te kangaanga.

Itaia 19:2

“N na katuaaea Aikubita n taiani buaka n nanoaa ane a na buaka i bon irouia aaba ma ake i rarikiia, kaawa ma kaawa, ao taian abanuea n tatabeua nako.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Ieremia 46:27

Iteraera, Ane a na roko boong are N na kaokingkami iai nakoni mwengami mai abaia ianena. Ane kam na maeka ma te rau ngkami ma ami kariki ao akea te b'ai ae kam na maaku iai.

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Ruka 21:28

Ngkana a moanna n riki baikai, ao kam na tara rake ao tabeki atuumi, b'a e a kan roko kamaiuami.

Tani Motiki-taeka 7:22

Ao ngke a karaoa aei, ao te UEA e karikiia aia kairiribai b'a a na buutii aia kabaang i boni irouia ma ni buakaniia i boni irouia. Ao a kataia ni birinako aia kairiribai man aia kaemb'a. Ao a biri nakoni Kaawan Te Aroka are Te Aketia, nako Terera, ni karokoa mataniwiin te aba are abaia kaain te kaawa are Abera Meora are i rarikin Tabata.