Ieremia 51:45 - Te B'aib'ara

⁴⁵ Otinako mai B'aburon, Au aomata, ao biiri n rawei maiumi, i m'aain ae I orea te kaawa n uniu!

Ieremia 51:45 ပူးပေါင်းရင်းမြစ်များ

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Ieremia 50:28

A urua au Tembora ana taanga ni buaka B'aburon, ma N na irantaanga n te tai ae e aki maan. Ao i mwiina, a na taetaekinna i Tion taan rawei maiuia mai B'aburon.

Ieremia 50:8

Biri nako mai B'aburon Au aomata. Otinako man te aba anne! Kam na aki taningaa temanna.

Ieremia 51:50

Au aomata, kam biri nako man te mate ngke e b'aka Ierutarem. Ngkai kam a maeka n raroa ma mwengami, ma kam na riai ni kakoauaai ao kam na iangoa Ierutarem. Kiitana B'aburon! Kam na aki tiku!

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Ieremia 51:9

Ao a kaeka ianena ni kaangai, “Ti a tia ni kataia ni b'ainaorakiia ikoakin nako B'aburon, ma a bon aki buokaki. Nako mai, ti a okiri mwengara n oin abara nako. Bon akea te b'ai ae e tiku i B'aburon; a bane n uruaki b'aai nako.”

Tekaria 2:7

Kiitana B'aburon ao kawaekoaingkami n okira Tion.”

Warekaia Iteraera 16:26

Ao e tuangiia aomata ni kaangai, “Kam na kararoaingkami man aia auti n rianna mm'aane aika taani bure aikai! Kam na aki riiriing aia b'ai ni kabane b'a kam kaawa n raona aia bure ni kamaunaaki naba.”

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!