Ieremia 51:28 - Te B'aib'ara

²⁸ Tuangiia uea ma koowana, taan kairiri ao kaain te abanuea are Miria b'a a na katauraoi nakon te buaka!

Ieremia 51:28 ပူးပေါင်းရင်းမြစ်များ

Karikani B'aai 10:2

Natin Iabeta mm'aane bon Komera, Makoka, Matai, Iawan, Tubara, Meteka, ao Tirati. Boni ngaiia aia bakatibu aomata ake a ingoanaki araia iai.

1.Rongorongo 1:5

Iabeta bon tamaia Komera, Makoka, Matai, Iawan, Tubara, Meteka, ao Tirati, ao boni ngaiia aia bakatibu taian abanuea aika a ingoanaki n araia.

Etita 1:3

Ao n ana katenua n ririkin tautaeka, e karaoa ana baka n ana am'arake ae e ab'ab'aki i bukiia ana aobitia ma ana taani kairiiri. Ao a roko naba taan kairiiri man te taanga ni buaka mai botia ma Miria, n reitaki naba ma taian kowana ma aomata aika kakannato man aaba nako mai nanon abanueana.

Etita 10:2

A bane n tauaki mwiin b'aai ni kabane aika a kakannato ma ni kamimii ake e a tia ni karaoi, i nanon ana boki uean Botia ma Miria, n reitaki ma rongorongon karikirakean Morotekai nakon nakoana ae e rietaata.

Itaia 13:17

A na aki konaa ni kabooaki kaain Miria n te tirewa ma ke koora, ao I kanakoia b'a na buakana B'aburon.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Ieremia 25:14

N na katuaaia kaain B'aburon i bukin taian kairua ake a tia ni karaoi. E na tauaki B'aburon irouia uea aika a kakannato ma botannaomata ake tabeua ma ni kairoroia b'a a na riki b'a aia toro.

Ieremia 25:25

Timri, Eram, Meria,

Ieremia 50:41

N te tabo ae e raroa i meaang, e a tia ni kautaki iai te botannaomata teuana ma botannaomata ake a raonna. A m'aaka ao a tauraoi nakon te buaka.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Ieremia 51:29

E unoraki ao e rairaki te aonnaba nakon te kamarakaki ae e korakora, i bukina ngke I iangoia b'a N na karika B'aburon b'a e na rereua ae akea ae e na konaa ni maiu iai, ao I aki konaa ni bita nanou.

Taniera 6:1

Ao e baireia te uea are Taraiati b'a e na rineia tebubua uangaun koowana aika a na taui nakoa aika kakaawaki i nanon ana tautaeka.

Taniera 6:8

Ma ngaia ae ko na karaoa te tua aei te uea, ao ko na tiainaia, ao e na kamatoaki ni kaangai, aia tua kaain Miria ma kaain Bootia ae e aki kona ni bitaki.”

Taniera 8:20

Te tiibu m'aane are ko nooria are iai korona aika uaai bon rab'atan te tautaeka ni Miiria ao ni Bootia.

Taniera 9:1

Ao Taraiati are kaaini Miiria, are natin Tiekititi te m'aane, e tautaekana te abanuea are B'aburon. E riki b'a uean B'aburon. Ao n ana moan ririki n uea, Ao I kunea man kamateb'aian aia koroboki burabeti b'a E a tia te UEA n taetae nakon Ieremia ni kangai, E na b'aka Ierutarem ao n uruaki i nanon itibwi te ririki.