Ieremia 51:24 - Te B'aib'ara

²⁴ Ma ngkai, a na mataku Au aomata ngkana I anganiko boom i bukin te b'ai are ko karaoia nakon Tion.

Ieremia 51:24 ပူးပေါင်းရင်းမြစ်များ

Taian Areru 79:10

E aera b'a a na kaangai nakoira botannaomata, “Engaa Atuam?” Ti na noriko ni kareke kaiia botannaomata i bukini katuuan raraaia am Toro.

Itaia 48:14

Bootaki i rarikiu, ngkami ni kabane! kakauongo nakon te b'ai ae N na taekinna. Iai mairouia ami bouannanti aika a kaman taekinna b'a a na riki baikai? A taekinna b'a e na karaoa te b'ai ae a tangiria raoraou nakon ae N na karaoia nakon B'aburon?

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 66:6

Kam a ongo taian karongoa akekei ake i nanon te kaawa arei ma taian tatakarua aika a nako man te Tembora? Bon takaaruan te UEA ngkai e tabe ni katuaaia ana kairiribai.

Ieremia 25:14

N na katuaaia kaain B'aburon i bukin taian kairua ake a tia ni karaoi. E na tauaki B'aburon irouia uea aika a kakannato ma botannaomata ake tabeua ma ni kairoroia b'a a na riki b'a aia toro.

Ieremia 50:10

E na kataenikaiaki B'aburon, ao ana kairiribai a na uoti nako b'aai ni kabane aika a tangiri.

Ieremia 50:15

Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:23

taani kaawakin tiibu ma aia nanai, taan ununiki ma aia kaomm'aane, ma koowana ao taan kairiiri.

Ieremia 51:35

A kaikoakia tabeman maibuakora kaaini B'aburon ao a tiringiia tabem'aang. Ngkai, te UEA, karaoia b'a a na kabooa mwiina!”

Ieremia 51:49

E na karenakoaki, i bukina ngke e tiringiia Au aomata aika Iteraera aika a m'aiti ao a m'aiti naba man botannaomata ake tabeua.

Ieremia 51:56

E na buakana B'aburon kairiribai ma n urua. A na tauaki tautiana ao a na uruaki aia b'ai ni buaka, i bukina ngke bon te Atua Ngai ae I kaakaboo kai nako ia botannaomata nako n te b'ai are a karaoia.

B'aeb'aeti 3:64

Kabooa mwiin b'ai ni kabane ake a tia ni karaoia nako iu, te UEA!

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 18:24

A noraki i nanon te kaawa ae B'aburon raraaia burabeti ma ake a itiaki, ao raraaia naba te koraki ni kabaneia ake a kamateaki i aonnaba.

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”