Ieremia 50:37 - Te B'aib'ara

³⁷ Ao i mwiina, a na rawa n ira te buaka aotin ami kaanibuaka ma ianena akana i buakoia ami taanga ni buaka, ao a na uotaki nako ni kabane akana kam kaawakin b'a kaub'aimi irouia ami kairiribai.

Ieremia 50:37 ပူးပေါင်းရင်းမြစ်များ

Taian Areru 46:9

E katoki taiani buaka i aon aaba nako; E otei kainikatebe ma kanoani kainikatebe; Ao E kabuoki n te ai taian otanga

Taian Areru 76:6

Atuan Iakob'a, ngke Ko b'anaa n un ao a b'aka ni mate aoti ma ake a toka i aoia.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Itaia 45:3

N na anganiko taiani kaub'ai aika a karabaaki n te roo ao n taabo aika a raba. Ao ane ko na ataia b'a boni Ngai te UEA ae Atuaia Iteraera, ae e a tia ni wetei ngkami n arami.

Ieremia 25:20

ao ianena ni kabane ake a maeka i aon te aba arei. Ao i mwiina, I nako ia uean Uti, ao i mwiina uean Biritia ake aman, ake a tautaekana Atikeron, Kata, Ekeron, ao nikirani b'aai i Atitota.

Ieremia 25:24

Tema, Buti, barongan Rereuan Arabia,

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 50:10

E na kataenikaiaki B'aburon, ao ana kairiribai a na uoti nako b'aai ni kabane aika a tangiri.

Ieremia 50:26

Kam roko mai keraroa, ngkami aika ana kairiribai B'aburon! Kab'arikoi taian uita man ana autinib'ai nako, ao kabuoki ni kabane, n reitaki ma b'aai ni kabane.

Ieremia 51:21

ao ni kamaenako ia taan toka i aon taian aoti ao taiani kaanibuaka,

Ieremia 51:22

ao ai uana naba ma mm'aane ao aine, ataei ao kaara,

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

Ieremia 51:4

Ane a na b'aka ni ikoaki aia taanga ni buaka i nanoni kawain nako nuukan B'aburon.

Etekiera 30:5

A kaboaki tautia mai Itiobia, Ribia, Riria, Arabia, Kuba, ao ai uana naba ma Iteraera, b'a e na mate n te buaka anne.

Etekiera 39:20

A na roko nakon Au taibora ao a na kaonia n irikon taian aoti ma taani buaka n aekaia nako. Bon aei Au taeka Ngai ae te UEA.

Naum 2:13

E taku te UEA ae Moan te M'aaka, “Boni Ngai am kairiribai. N na kabuoki am kaanibuaka. A na mate am tautia i nanon te boo ni buaka, ao N na anai b'aai ni kabane ake ko anai mairouia tabem'aang. E na aki manga ongo te aba b'anaan am tia uarongorongo.”

Naum 3:13

Am tautia kanga ai aroia aine, ao abam a na kona n tuukia aiana. E na urui biiti ake i aon ami mataroa nako te ai.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.