Ieremia 50:36 - Te B'aib'ara

³⁶ E na kakoauaaki n te buaka aei b'a bon taani kewe ao taian nanobaba ami burabeti. Ao ane e na kakamaakuia ami taani buaka.

Ieremia 50:36 ပူးပေါင်းရင်းမြစ်များ

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Rongorongo 25:16

Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Ieremia 48:30

Ma I bon ataia naba ae e aki konaa ni kamaiungkami te kainikatonga.

Ieremia 49:22

A na kiba rikaaki aiam ni buakaniko kaanga te ikare ae e taakin baina ni kiba ma ni kibakiba i aon Botira. Ane a na tauaki n te maaku am taani buaka.

Ieremia 50:30

Kaain B'aburon, I berita Ngai ae te UEA b'a a na bon wene ni mate naba i nanon kawain te kaawa am tautia aika a bane aroia.

Ieremia 51:23

taani kaawakin tiibu ma aia nanai, taan ununiki ma aia kaomm'aane, ma koowana ao taan kairiiri.

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

Ieremia 51:32

A teiakina ngkai te ri aon te karaanga kairiribai! A a urarake taabo ake a aom'aim'ai! A a tia ni buannano te taanga ni buaka!”

Naum 2:8

Ai aron te b'aronran man te nnenran ae e uruaki, birinakoia aomata mai Ninewe! E takaruaeakinaki ae e kaangai, “Tei! Tei!” ma akea ae e rairaki n oki.

Naum 3:13

Am tautia kanga ai aroia aine, ao abam a na kona n tuukia aiana. E na urui biiti ake i aon ami mataroa nako te ai.

Naum 3:7

A na bane ni kararoako ake a noriko. Ane a na kaangai, ‘E na uruaki Ninewe. Antai ae e na kan nanoangaia? Antai ae na kan kabebetea nanona?’ ”

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

1.Timoteo 6:4

ao bon te aomata ngaia ae kainikatonga ao e nano roo. E babaeakina te kan tititiraki ma te kauntaeka, aika e riki mai iai te bakantang, ma te unra, ma taetaebuaka, ma iango ni katautau aika aki raraoi,

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.