Ieremia 50:34 - Te B'aib'ara

³⁴ Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Ieremia 50:34 ပူးပေါင်းရင်းမြစ်များ

2.Rongorongo 6:39

Ko na kakauongo nakon aia tataro m'aaka ao kab'arai aia bure aomata.

Iobi 19:25

Ma I ataia b'a n tokin aei, ao iai temanna ae na roko mai karawa n tei i buku.

Taian Areru 35:1

Te UEA, Ko na un ma aiau n un, ao ekianako nako akana eekainako!

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Taeka n Rabakau 22:23

Bon te UEA te tia tei i bukiia, ao te b'ai are kam karaoia nakoia, e na manga karaoia nakoimi.

Taeka n Rabakau 23:11

E mena te Atua ae Moan te M'aaka ikanne ni kaawakiniia ao ni kaitarako.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 47:4

Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 49:25

Ma E a tia te UEA ni berita b'a E na tei man ara itera ao E na kamaiuia ara ataei mai rouia ara kairiribai aika a korakora ma n tiritiri aikai.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 15:21

ngkana a buakaniko. Bon aei au taeka Ngai ae te UEA.

Ieremia 30:20

E na riki kaanga taai ake ngkoa. Ane a na taromauriai ami botannaomata, ao N na katuuaia ni kabane akana a kabuakakaingkami.

Ieremia 31:11

N na kamaiuia mairouia aia kairiribai ake a na konaa ni kab'akaia.

Ieremia 31:35

Bon te UEA Ngai ae Moan te M'aaka. I tuanga taai b'a e na anga te oota ni katoa bong, nam'akaina ao itoi b'a a na oota n te tairiki, ao naao b'a a na rurunga.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Ieremia 51:19

Bon te UEA ae Atuaia Iteraera, ae Moan te M'aaka. E karaoi b'aai ni kabane, ao E rinea Iteraera b'a oin ana b'ai.

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

B'aeb'aeti 3:58

Ko buutai man te kaangaanga ao Ko kamaiuai.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Mika 4:10

Kam na minomino ni ngirangira n tang ngkami aika kaain Ierutarem n ai aron te aine ae e bung, b'a kam a riai ni kiitana ami kaawa ngkai, ao kam na maeka n taabo aika a m'awawa. Kam na nako B'aburon, ma E na bon kamaiungkami te UEA ikekei mairouia ami kairiribai.

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.