Ieremia 50:29 - Te B'aib'ara

²⁹ Buakana B'aburon, aia taani katebe kairiribai; katea ami autinrianna ni katobibia te kaawa are e buubura, ao tai kabiri nakoa temanna. A kakaotinakoai, Ngai ae te Atua ae e Tabu, ma ngaia are, karaoa nakoina te b'ai are e karaoia nako ia kaawa aika a buubura ake tabeua.

Ieremia 50:29 ပူးပေါင်းရင်းမြစ်များ

Te Otinako 10:3

Ma ngaia are, a nako Moote ma Aaron nakon te uea ao a taku, “E kaangai ana taeka te UEA ae Atuaia Ebera, “Maan ra riki ngkoe n rawa ni konaaki i rou? Ko na kanakoia au aomata, b'a aonga n taromauriai.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 47:10

Ko na karabako i akuun te buakaka kaanga te otanga ao ko na kaangai, Akea ae konaa n noorai!” Ko kananobabaaki n rabakaum ao am ataib'ai; ko iangoia i bon iroum b'a bon ti ngkoe ae ko tautaeka.

Ieremia 25:14

N na katuaaia kaain B'aburon i bukin taian kairua ake a tia ni karaoi. E na tauaki B'aburon irouia uea aika a kakannato ma botannaomata ake tabeua ma ni kairoroia b'a a na riki b'a aia toro.

Ieremia 48:26

Kaain Moaba, kam taku b'a kam korakora riki nako iu. Ma N na tuangiia botannaomata tabeua b'a a na kamangingkami ao a na ngareakiningkami ngkana kam b'aka n rukurukumaki i nanon mumutami.

Ieremia 49:16

E burebureingkami te kainikatonga b'a kam na iangoia b'a a taraingkami botannaomata ake tabeua ma te maaku. Kam maeka i buakon taabo aika a katati rikaaki ao i aon taiani maunga kaanga taian ikare, ma bon Ngai ae te UEA ae N na uotiko rikaaki.

Ieremia 50:24

E kakaewenakoai B'aburon, Ngai ae te UEA ae Moan te M'aaka, ma e aki ataia te botannaomata arei b'a e a reke n te b'ainikam'ane are I a tia ni katauraoia.

Ieremia 50:26

Kam roko mai keraroa, ngkami aika ana kairiribai B'aburon! Kab'arikoi taian uita man ana autinib'ai nako, ao kabuoki ni kabane, n reitaki ma b'aai ni kabane.

Ieremia 50:32

Ko kamoamoa, ma ane e na reke waem ao ko na b'aka, ao bon akea temanna ae e na konaa ni buokiko ni kateirakeko. N na kabuoki ami kaawa aika a uarereke n te ai, ao a na bane n urarake akana i rarikim n te ai.

Ieremia 50:9

Mai meaang, N na karokoia botannaomata aika a korakora n ti teuana. A na buakana B'aburon ao a na taua. Ti te bo kanoan aia katebe ma aia kanoa tautia aika a bane aroia ae a bon teeteke naba aia taakete.

Ieremia 51:24

Ma ngkai, a na mataku Au aomata ngkana I anganiko boom i bukin te b'ai are ko karaoia nakon Tion.

Ieremia 51:3

N na taetae ni kaangai nako ia tautia aikai, “Buaka ni kawaekoa, i m'aain ae a kanakoi kanoan aia bana ke a karin aia b'ai ni buaka kaain B'aburon. Tiringiia aia tautia ake a bane aroia ao kamaunaa aia taanga ni buaka!”

Ieremia 51:49

E na karenakoaki, i bukina ngke e tiringiia Au aomata aika Iteraera aika a m'aiti ao a m'aiti naba man botannaomata ake tabeua.

Ieremia 51:56

E na buakana B'aburon kairiribai ma n urua. A na tauaki tautiana ao a na uruaki aia b'ai ni buaka, i bukina ngke bon te Atua Ngai ae I kaakaboo kai nako ia botannaomata nako n te b'ai are a karaoia.

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

B'aeb'aeti 3:64

Kabooa mwiin b'ai ni kabane ake a tia ni karaoia nako iu, te UEA!

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Ob'aria 1:15

“N nang karokoi aia bong botannaomata b'a N nang katuaaia. Ngkoe ae Etom, e na manga bon okiriko te b'ai are ko a tia ni karaoia. E na bon reireiniko am m'akuri.

2.I-Tetaronike 1:6

B'a te b'ai ae riai iroun te Atua b'a E na karawawataia te koraki ake a karawawataingkami;

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.