Ieremia 50:20 - Te B'aib'ara

²⁰ N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Ieremia 50:20 ပူးပေါင်းရင်းမြစ်များ

Taian Areru 103:12

Raroani mainiku mai maeao, kanga ai aron raroan ara bure ni kam'awaki mai roura iroun te UEA.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 85:3

Ko katoka unim irouia ao Ko aki kaotinakoa unim ae korakora.

Itaia 1:9

E na riai n tia ni mauna nako Tion kaanga Tootom ma Komora,

Itaia 10:21

A na rangi n rawata aomata kaanga m'aitin taian tano i mataniwiin taari, ma a na bon ti tabeman aika a na tiku ni maiu ma n okira Atuaia Iteraera ae e m'aaka.

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Ieremia 33:15

I berita b'a e na roko te bong anne ngkana I rinea te uea man ana utu Tawita, ae te uea ae e na karaoa ae e raoiroi ao e na tautaeka ma te eti.

Ieremia 33:8

A bure ao a kakaitaraai, ma N na kab'arai aia bure ma ni uoti nako aia kaairua.

Ieremia 44:14

Bon akea iroumi ae e na reke maiuna. Ane kam na iaiangoa okiran Iuta n te bong teuana, ma bon ti tabeman maibuakomi aika a na reke birinako ia man te mate ma n reke okiia.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

B'aeb'aeti 4:22

E a tia ni b'ara ana bure Tion; E nang kab'araira te UEA man te kataenikaiaki. Ma e na bon katuaeko te UEA ngkoe ae Etom, E na katereterei am m'akuri aika a kaairua.

Etekiera 18:22

A na bane ni kab'araaki aia bure, ao a na kamaiuaki ngke a karaoa ae e raoiroi.

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Tekaria 3:9

Iotua, I a tia ni kaaki i matam te atiibu ae itiua iterana. N na korei b'aai tabeua i aon te atiibu anne, N na kab'araa ana bure te kaawa ae e on te bure aei n te bong ae ti teuana.

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Rom 5:16

Ao iai te kaokoro i marenan te b'ai n tituaraoi ma ana bure te aomata ae temanna: b'a i mwin te bure ae teuana ao e roko te moti ni kabuakaka; ma i mwini buure aika bati ao e roko te b'ai n tituaraoi are motikan taekam b'a ko aki bure.

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

2.Betero 3:15

Kam na tara taotaonan nanon ara Uea b'a te kawai i bukini kamaiuami, n ai aron are e koroia naba nakoimi tarira are tangiraki are B'auro, n ai aron te rabakau are e anganaki.