Ieremia 50:19 - Te B'aib'ara

¹⁹ Ma N na uota Iteraera ni kaokia nakon oin abana. A na riki aomata b'a kaanga tiibu aika a am'arake ni kaon raoi birotoia i aon te Maunga are Karemera ao i B'atian, n aba are tabukibuki are i Eberaim ao i Kireata.

Ieremia 50:19 ပူးပေါင်းရင်းမြစ်များ

Etira 2:1

E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

Ana Anene Toromon 6:5

Katan nakoi matam b'a I a rannako iai. A tiotio iran atuum kaanga kakateken te kooti ae e nakomai mai Kireata.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 30:18

E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ieremia 30:7

Au aomata, e na rangi ni korakora riki marakimi nakon are mai i m'aaina n te tai ae e aki maan mangkai, ma N na kamaiungkami.

Ieremia 31:14

N na kakab'aiaia Au aomata n te am'arake ae e raka riki nakon are a kainanoia, ao a na kukurei ibonga n anaa kanaia te iriko ni man are a bon taku. Bon aio Au taeka Ngai ae te UEA.

Ieremia 31:25

A na manga reke maiuia ma korakoraia koraki akana a kua ma ni kainano,

Ieremia 31:6

N te bong teuana ane a na takaarua koraki akana tararuaa maungan Tamaria ni kaangai, “Ti a nako Tion n taromauria te UEA ae Atuara.”

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Ieremia 46:27

Iteraera, Ane a na roko boong are N na kaokingkami iai nakoni mwengami mai abaia ianena. Ane kam na maeka ma te rau ngkami ma ami kariki ao akea te b'ai ae kam na maaku iai.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Etekiera 11:17

Ao n te bong teuana, N na ikotingkami mai buakoia botannaomata nako ake kam maaenako i buakoia ma ni manga kamaekaingkami riki i Iteraera.

Etekiera 36:24

N anaingkami man aia botannaomata nako ianena ma ni bootingkami ma ni kaokingkami nakon mwengami.

Etekiera 36:33

Ngkana I tia ni kaitiakingkami, N na manga karaoingkami b'a kam na katea ami kaawa akana a urubekebeke ma ni kamaekaingkami iai.

Etekiera 38:8

b'a tabeua riki te ririki, ao N na tuangko b'a ko na kataenikaia Iteraera, te kaawa are e uruakaki n te buaka. E a tia ni kiitanaki n te tai ae e maan, ma a tia n oki kaaina mairouia botannaomata aika ianena ake a maeka iai ngkoa. A maeka ngkai Iteraera ma te rau ni maungan oin abaia.

Etekiera 47:18

E na moanaki tian mainiku man tian tautaeka ake uoua are te tautaeka n Auran ao Tamateko. E na biri nakoaiaki n ira te Karaanga are te Ioretan, are e biri i marenan aaba aika Kireata ao Iteraera, ao e na toki n Taari are Mate are i rarikin te kaawa are Tama.

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Tekaria 10:10

N na kaokiia nakon mwengaia mai Aikubita ao Aturia, ao N na katekatekaia ni karokoa Kireata ma Reb'anon, ni karokoa e onrake te aba irouia.

Warekaia Iteraera 32:1

Ao a rangi ni m'aiti aia nanai ni kao ao n tiibu baronga ake Reuben, ao Kata, ao a nooria b'a a rangi n raraoi uteuten te aba are Iatera ma te aba are Kireata.

Warekaia Iteraera 32:4

Bon taian aba aika a raoiroi uteuteia, ao ngaira a rangi ni m'aiti ara nanai ni kao, ao n tiibu,

Iotua 17:15

Ao e kaekaia Iotua ni kaangai, “Ngkana arona b'a kam a rangi ni m'aiti n aomata ao e aki tau nakoimi te aba are tabukibuki are i Eberaim, ao kam na nako ni kaitiaka buakonikain abaia I-Beritaite ma taian Rebaim b'a abami.”