Ieremia 50:17 - Te B'aib'ara

¹⁷ Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Ieremia 50:17 ပူးပေါင်းရင်းမြစ်များ

2.Uea 15:19

Inanon ana tai ni uea Menaem, ao e buakana Iteraera uean Aturia are Tikerata Biretia. E kariaia buokakin Menaem ni kabutaa abanueana, ngkana e na kab'aka Menaem nako ina e raka i aon 30 te tan te tirewa.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 24:1

I nanon ana tai n tautaeka Ieoiakim, ao e buakana Iuta uean B'aburon are Nebukaneta man taua taekana. E ongotaeka Ieoiakim nakon Nebukaneta i nanon tenua te ririki, ma i mwiina riki e a manga kakaitaraa.

2.Uea 24:10

E kanakoa te taanga ni buaka mai B'aburon te uea are Nebukaneta ni buakana Ierutarem n te tai ae e aki maan i mwiin reken Ieoiakin b'a te uea.

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

2.Rongorongo 28:20

Ma ngaia are, e a roko Tikerata Biretera nako Iuta, ma e aki buokia b'a e a karawaawataa riki.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Itaia 15:9

A raraa karaanga n ran ake i rarikin Rimon. Ma e na karokoa te kaangaanga te UEA ae moan te korakora riki nako Rimon, i bukina b'a a na bane n tiringaki irouia raian kaain Moaaba ake a biri nako.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Ieremia 2:15

A bekorara ami kairiribai kaanga raian ao a urua te aba; a wene n urarake kaawa ma akea kaaia.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 49:19

N na buakaningkami kaanga te raian man te buakonikai, ngkana e un nakon te tiibu n te tawaana are i mataniwiin te Ioretan. N te tai are a biri iai te nanai n tiibu, e na akea kanoan te aba. Antai ae N na rineia b'a e na buakaningkami? Boni Ngai! Bon akea ae e konaa ni kairoroai b'a N na buaka ke ni kakioai nako.

Ieremia 5:17

A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Ieremia 51:38

A bekorara kaain B'aburon ao a kakarongoa kaanga raian ataei.

Ieremia 52:1

Ai tib'a uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki. Tinana are Nei Amutara bon natin Ieremia te aine, Ieremia are man te kaawa are Ribena.

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Taniera 6:24

Ao e a manga anga ana taeka te uea b'a a na katikaki te koraki ake a kabuakaka Taniera, ao e karenakoia nako nanon te b'angab'anga are nneia raian, n ikotaki ma buuia ma natiia. A kaman raweaki rab'ataia man raebitiaki irouia raian i m'aain rokoia i aontano.

Ioera 3:2

N na manga ikotiia botannaomata ake a kamaaenakoia au Aomata n taabo nako n te aonnaba n te M'arua are Motikitaeka A na tib'a abau

1.Betero 2:25

B'a kam tiotio nako ngkoa n ai aroia tiibu; ma kam a oki ngkai nakon te Tia Kawakini maiumi ma te Tia Tararuai.