Ieremia 50:15 - Te B'aib'ara

¹⁵ Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 50:15 ပူးပေါင်းရင်းမြစ်များ

1.Rongorongo 29:24

Ao a bane mataniwi n te bareti ao tautia, n reitaki naba ma natin Tawita m'aane ake tabeman, ni kakaonimaki nakoina.

2.Rongorongo 30:8

Kam na aki taningabono n aekakiia ami bakatibu. Iangoia ngkai b'a kam na ongotaeka iroun te UEA ae Atuara! Nakomai nako Ierutarem ao taromauria i nanon te Tembora are bon ana b'ai n aki toki. Ao ane e na toki iai unna,

Taian Areru 149:7

B'a a na katae aia kai botannaomata ma ni kareke kaiia natanaomata;

Taian Areru 94:1

Te UEA, ae te Atua ae am B'ai te kareke kai; Ko na kaota unim!

Itaia 59:17

Ana taanga te UEA bon te motiraoi; ao b'arana ni buaka bon te m'aaka ni kakamaiu; kunnikaina bon te un ma te irantaanga.

Itaia 59:18

E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 63:4

I karaoa aei i bukina b'a I irantaanga e a roko te tai i bukin kamaiuaia au aomata.

Ieremia 46:10

Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Ieremia 50:14

E a tia B'aburon ni kakaitaraai. Taani katebe kakioi nnemi. Kanakoa ami kanoanikatebe nako B'aburon.

Ieremia 50:25

I a tia ni kaotinakoi Au b'ai ni buaka, ao I kaairi ma te kamaraia i aon B'aburon.

Ieremia 50:44

B'aburon, N na buakaniko kaanga te raian man te rereua, ae e un nako ia tiibu i nanon te tawaana are i mataniwiin Ioretan. A biri nako te nanai n tiibu n te tai naba arei, ao akea naba kaain te aba. Antai ae N na rineia b'a e na buakaningkami? N na karaoia n ti Ngai! Bon akea ae e konaa ni kairoroai b'a N na buaka ke ni kakioai nako.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:14

Boni Ngai ae te UEA ae Moan te M'aaka, ae I tuea ni bon oini maiu b'a a na kaona kawain nuukan ami kaawa aia tautia kairiribai kaanga te taanga n rokati. Ane a na takaarua ao a na rungaa aia tokanikai.

Ieremia 51:24

Ma ngkai, a na mataku Au aomata ngkana I anganiko boom i bukin te b'ai are ko karaoia nakon Tion.

Ieremia 51:25

Kam uruaniia botannaomata ao ko taraa ni marurung kaanga te maunga, ma bon am kairiribai Ngai. N na bon raweiko ao N na karabinoko nako nakon te tabo ae e katati. Ao ngkana e bane karaoan anne irou, ko na riki b'a kaanga te b'ariko ni buriki aika a mannang.

Ieremia 51:30

E a tia ni mauna korakoraia ao ninikoriaia tautian B'aburon. A tiku n aia nono, n aki konaa ni buaka, ngke a roko kairiribai n ninia mataroan nako te kaawa, ma ni kabuoki taiani mwenga ni kabane n te ai.

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Ieremia 51:58

A na tabwenaua oon te kaawa ake a matenten, ao a na bane ni bue mataroana ake a totoakaei. A na aetorake b'a te bubu b'aai ni kabane ake a tia ni m'akuri korakora i bukin karekeaia.

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Ieremia 51:64

“Aio aron inakon B'aburon ngkana e uruakaki i roun te UEA. A na bane ni mate kaain te kaawa, ao e na aki manga reke korakorana n teirake.” E bane ikai ana koroboki Ieremia.

B'aeb'aeti 5:6

Ti nako ni bubuti te am'arake i Aikubita ao i Aturia i bukin korakoran te baki.

Etekiera 17:18

E urua oin ana berita uean Iuta ao e katinanikua te boraraoi ma B'aburon. Ma ngaia are, e riai ni katuaaeaki!

Etekiera 21:22

E na kanakoa baina are te atai ni kanakoa te kainikoto are e koreaki iai ae kaangai “Ierutarem”. Ao e na waekoa n anga te kanikina ae na kanakoa i bukin te takaakaa ni buaka, ma ni kateaki taian tabuki i bukin tam'arakean oon te kaawa, b'a e na uruakaki oona ni kab'akaaki ma ana mataroa n taian b'ai n uru mataroa aika boua aika a korakora, ma n tiringaki aomata.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Ruka 21:22

B'a aei te tai are E na karawawataki iai Iteraera iroun te Atua, b'a e na kakoroaki nanon are koreaki n te B'aib'ara.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 3:5

Ma ngkana e kaota aron te Atua arora aika aki eti b'a E karaoa ae e eti, ao tera ara taeka iai? E karaoa ae buakaka te Atua ngke E kareke kai? (I taetae n ai aroia aomata.)

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

Te Tua-Kaua 32:41

N na karaoa te irantaanga nakoia kairiribai aika ribaaki. N na kakangiia au kabaang ao e na raaiti kaanga te iti.

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Iotua 6:20

Ma ngaia are a katanga aia buu ibonga, ao a takaarua aomata ni kanenei b'anaaia, ao e rina ni b'aka oon te kaawa ni katab'aninna, ao a bane ni m'ananga ana taanga ni buaka Iotua n tam'arakea te tabuki are e tei iai te kaawa, n niniia ma n taua.

Iotua 6:5

N tokin te kaitiua ni katobibi ao a na katanga te buu ni kamaana tangina. Ao n te tai naba are kam ongo iai anne, ao kam na bane n takaarua ni kanenei b'anaami, ao e na rina ni b'aka oon te kaawa. Ao kam na bane n rin ni kaineta nanon te kaawa.”

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

1.Tamuera 15:33

Ma e taku Tamuera, “Akaaka, ko a tia n anaiia ataei aika uarereke mani baiia tinaia ao ko tiringiia. Ao ngkai akea natiia tiina.” Ao i mwina, e anaa Akaaka Tamuera ao e korobitiia ni kauarerekea n te tabo n taromauri are i Kirekara.