Ieremia 5:28 - Te B'aib'ara

²⁸ ao kam tetekeraoi, ma kam rawa ni buobuoki nako ia aika a kainano ni karekea nako ia te moti ae e raoiroi ni bon aron ae e riai n reke nako ia.

Ieremia 5:28 ပူးပေါင်းရင်းမြစ်များ

Iobi 12:6

A maiu ma te rau taani kimoa, ma aomata naba aika akea te b'ai ae a onimakinna, e ngae ngke a tia n atuani korakoraia.

Taian Areru 119:70

Akea aia atatai aomata aikai, ma I kakukureiaki n am Tua.

Taian Areru 72:4

E bia motiki taekaia akana kananoanga te uea ma te aki nanonano; E bia buokiia akana a kai nanoia, ni katoki tabareia akana a iowawa nakoia.

Taian Areru 73:12

Anne aroia aomata aika buakaka. A bati aia b'ai ao a aki toki ni karereke aika bati riki.

Taian Areru 73:4

A aki mate ni maraki; A marurung ao a maiu raoi rab'ataia.

Taeka n Rabakau 15:25

E uruaka mwengaia akana a kainikatonga te UEA, ma e kaawakin aia b'ai aine nako aika akea buuia.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 2:33

Kam rangi ni wanawana ngkana kam kakaaia ami tangira n te aro are kam konaa n anga ami reirei nakon te aine ae ainen matawa.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Tekaria 7:10

Kam na aki karaoa ae e aki raoiroi nakoia aine aika a mate buuia ke ataei aika a akea aia karo ke iruwa ke temanna ae e maiu ni kainano, ao katoka iangoan m'akuri n iowawa temanna nakon temanna.

1.I-Korinto 5:1

A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.