Ieremia 49:30 - Te B'aib'ara

³⁰ Biiri ni karabaingkami, ngkami aika kaain te rereua aika kam maeka n taiani kaawa aika a uarereke! Iai ana babaaire ae e buubura Nebukaneta i bukimi.

Ieremia 49:30 ပူးပေါင်းရင်းမြစ်များ

Itaia 10:7

A na bon m'aiti riki ana iango i nanona, i bukina ngke e tangiria ni kamaunai botannaomata aika a bati.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 27:6

Boni Ngai ae I baaireia botannaomata aikai ni kabane nako aan m'aakan Au toro, ae Nebukaneta ae Uean B'aburon, ao I bon karaoia naba maan aika a aki manana b'a a na m'akuri i bukina.