Ieremia 49:29 - Te B'aib'ara

²⁹ Ane ana katobibiaki irouia ana taanga ni buaka aika akea maakuia, ma n anai ami autinrianna ma ami b'ai, ami tiibu ao ami kaamero nako.

Ieremia 49:29 ပူးပေါင်းရင်းမြစ်များ

Karikani B'aai 37:25

Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Taian Areru 120:5

Ma N na maeka n iruwa, n ai aroia aomatan Meteka, ao n aia kaemb'a kaaini Keta.

Taian Areru 31:13

I ongo b'anaaia ni wirikiriki taan ribaai aika m'aiti; I otab'aniniaki n te kakamaaku. A kario iango b'a a na eekainako. A iangoa kamateakiu.

Itaia 13:20

Ane a na akea ae e na maeka i B'aburon. E na bon akea naba taani m'am'ananga aika a na maeka ni kaaniia, ao a na aki kariaia aia nanai n tiibu taani kaawakin tiibu b'a a na katoki kuaia ikekei.

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Ieremia 10:20

A uruaki mwengara; ao a mate natira. Bon akea nikiraia ake a na buokiira ni kakaaea kamanoara.”

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

Ieremia 46:5

I konaa n noora te buaka ngkai kam a taenikai ao kam biri nako, n aki manga tatanrikaaki. E otab'aniniingkami te maaku.

Ieremia 49:24

Ngkami aika kaain Tamateko e a tia ni bua ninikoriami, ao kam na rairaki n iakaka ni biri nako, ma n tauaki n te maaku ao te maraki.

Ieremia 49:5

Bon te UEA Ngai ae Moan te M'aaka, ae I kona ni kanako ia botannaomata akana i rarikimi b'a a na oreingkami n te maaku. Ane kam na uamaaenako, a na akea ae e na tararuaia ami koraki ake taan raweimaiuia.

Ieremia 6:25

E taku te UEA, “Kam na aki m'akuri i nanon ami tawaana nako ke n nakonako i nanon te kawai. E rangi ni kamaamate. A rangi toamau kairiribai ni b'aai ni buaka

Ab'akuka 3:7

I nooria aomatan Kutian b'a a maaku. ao aomatan Miria b'a a ruru.

2.I-Korinto 4:8

Ti kaaitara ma te rawawata n aaro nako, ma ti aki konaaki iai; ti babanga arora, ma a aki b'ara nanora;

2.I-Korinto 7:5

B'a ngke ti roko i M'aketonia, ao a aki motirawa rab'atara, ma ti karawawataki n aaro nako, n taiani kauntaeka ma aomata, ao n taiani maaku i nanora.

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

Tani Motiki-taeka 8:21

Ao a taku Teba ma Taremunna, Bon tiringiira ngkoe. Tai babakanataei. Ao e kibariia n tiringiia ni kauoman Kiteon. Ao e anai taiani b'aini katamaroa aika koora ake i roroaia kaamero.

Tani Motiki-taeka 8:26

Ao bootan rawawatan taiani koora bon 40 te b'auna rawawataia. Ao i rarikin aikanne, ao iai naba taiani koora ake a reke man b'ainikatamaroan taiani kaamero ao man taian b'ai ni katamaroa naba ake a b'ab'aini uean Miiria. Ao e anai naba taiani niiniira aika uraro Kiteon.