Ieremia 49:27 - Te B'aib'ara

²⁷ N na kaura te ai i aon oon nako ami kaawa ma ni kabuoki ni kab'akai taian nono ake karaoi ngkoa te Uea are Benatata.

Ieremia 49:27 ပူးပေါင်းရင်းမြစ်များ

2.Uea 13:3

E un te UEA irouia Iteraera, ma ngaia are, e karika uean Turia are Ataera ma natina te m'aane are Benatata b'a a na tautaekaniia n te tai ae e maan.

2.Uea 13:5

ao e kanakoa te tia kairiiri nakon Iteraera are e na kamaiuia mairouia kaain Turia, ao a manga maeka ma te rau Iteraera n aroia are rimoa.

Ieremia 43:12

N na kaurarakea temboran antiia kaain Aikubita, ao uean B'aburon e na kaurarakea antiia ke na uoti nako. Kaanga aroia taani kaawakin tiibu ngkana a taetaea kunnikaia ni kaitiakia ngkana a anaia, ao aron naba uean B'aburon ngkana e anaa te aba are Aikubita ni kaitiakia ao i mwiina e nako ma te tokanikai.

Ieremia 50:32

Ko kamoamoa, ma ane e na reke waem ao ko na b'aka, ao bon akea temanna ae e na konaa ni buokiko ni kateirakeko. N na kabuoki ami kaawa aika a uarereke n te ai, ao a na bane n urarake akana i rarikim n te ai.