Ieremia 49:17 - Te B'aib'ara

¹⁷ Ane a na tiaoki akana i rarikin abam ao a na maaku ngkana a noora te kabuanib'ai

Ieremia 49:17 ပူးပေါင်းရင်းမြစ်များ

1.Uea 9:8

E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?

Ieremia 18:16

Ane e na uruaki abami, ao a na bane akana ri rarikina n taraia ma te maaku ma ni katoutou atuuia.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Ieremia 50:13

E na urua B'aburon uniu, ao bon akea ae e konaa ni maiu ikekei. A na bane aika a rirarikim n tiaoki ngkana a noora te b'ai ae e a tia n riki.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

Etekiera 25:13

Ma ngaia are, N na katuaaea Etom n tiringiia kaaina ni kabane ma ana nanai ni man. E na riki b'a akea boonganana ni moa mai Teman nako Tetan.

Etekiera 27:36

A aki konaa ni kakoauaa taan iokinib'ai nako n te aonnaba n te b'ai ae a tia n riki. E kakamaaku matem, ao ko a nako n aki manga oki.”

Etekiera 35:15

n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.

Etekiera 35:3

ao ko na kaangai nakoia: I a riki Ngai ae te UEA ae te Atua b'a ami kairiribai ngkai! Ao N na onika ami botannaomata nakon te aba ae akea manenana ae akea kanoana,

Etekiera 35:7

N na tiringiia am botannaomata ni kabane akana a nakonako i nanona.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.

Te Tua-Kaua 29:22

Ao E na orea abami n taian aoraki ma kabuanib'ai. Ao a na noora abami kanoami ao I-ianena ake n aaba tabeua,