Ieremia 48:38 - Te B'aib'ara

³⁸ Akea te b'ai ae e karaoaki i aon taubukin autin Moaba ni kabane ao ni katawanangin nuukan te kaawa b'a ti te tang, i bukina ngke I a tia n urua Moaba kaanga te tiaeki are akea ae e tangiria.

Ieremia 48:38 ပူးပေါင်းရင်းမြစ်များ

Taian Areru 2:9

Ko na tiriboia n te oko ae te biti ao ni ibeibeia kanga ai aron te m'angko ae te tano.”

Itaia 15:3

A bane aomata i nanon te kaawa ma taiani mwenga ni kunnikaia aomata ni kunnikai aika a mangaingai ao a tang n takaarua i nanon te tai ae e maan.

Itaia 22:1

Aio te rongorongo i bukin te M'arua are Kaotioti. E aera ngkai kam karaoa te bootaki ni kukurei i aon taubukin ami auti aika a booraoi?

Itaia 30:14

te oo ae e rietaata kaanga te boora ae e manatua. Bon akea m'akorokorona ae e tau buuburana i bukin uotakin te kooro ae e buee ke ni ititiia te ran ni kanakoa.”

Ieremia 19:10

Ieremia, n te tai are ko taekina iai te b'ai aei, ko na urua te tiaeki ngkana a tabe n tarataraiko aomata.

Ieremia 19:11

Ko na tuangiia naba Au taeka ae: Bon te UEA Ngai ae Moan te M'aaka, ao I kauringngkami b'a N na urua Iuta ao Ierutarem n aron te tiaeki aei n te aro are e na aki konaa ni manga reke b'ainakina. Kam na tauniia ami mate ikai i Tobeta, ma angiia ma iroumi a na mate ao e na aki reke neia n taunaki.

Ieremia 22:28

Ieoiakin, ko aki tangiraki kaanga te b'aata te kaatiibu ae e a uruaki. Ma ngaia are, kam na tewenakoaki ngkoe ma natim nakon te aba ae ko tuai man ongongo ma ngkoa.

Ieremia 25:34

Bon ana nanai te UEA aomata, ao ngkami aika taani kairiiri bon taani kaawakintiibu. Ma ngkai, ai manga ami tai n tiringaki kaanga tiibu. Kam na maaenikun kaanga te b'aata te tano ae e b'aka man te buia. Ma ngaia ae, kam na rabinobino i aon te tano, n tang ma n tanginiwenei.

Otea 8:8

Iteraera, ko a uruaki, ao ko a atongaki ngkai irouia botannaomata b'a akea bonganam.

Mataio 10:27

Ae I tuangngkami n te roo, ao kam na taekinna n te ngaina; ao ae kam ongo i Rou ngke ti ngaira, ao kam na takaruaia i aon taubukin auti.

Te Kaotioti 2:27

ao N na anganna te m'aaka are ti te bo ma are I anganaki mairoun Tamau, ao e na tauu taekaia ni kairiia ma te matoa, ao a na uruaki n ai aroni m'angko aika karaoaki man te bokaboka;