Ieremia 48:37 - Te B'aib'ara

³⁷ A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 48:37 ပူးပေါင်းရင်းမြစ်များ

Karikani B'aai 37:29

Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona.

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

1.Uea 18:28

Ao a tatakarua ana burabeti ao a korokoroi rab'ataia n taiani kabaang ma taiani biti ni karokoa ae a raraabuabua. Ao anne aroia n tataro,

1.Uea 21:27

Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

2.Uea 6:30

Ao e raeuai kunnikaina te uea i bukin nanokaawakina, ao e bane n nooraki kunnikaina aika a raeraeaki mai aana i bukina ngke e teretere raoi b'a e mena i aon taubukin oon te kaawa.

1.Rongorongo 19:4

Ao Anun, e tauia ana mataniwi Tawita ao e koroi buaia ni kabane ao e korouai niiniiraia rikaaki nakon koreaia, ao e kanako ia ni kaokiia.

Itaia 20:2

Ni bon te tai naba aei ao e tuangai te UEA ni kaangai, “Itaia, buuti am kunnikai ni kabane, n ikotaki naba ma am kauniwae!” I karaoa aei, ao I nakonako n aki karabaanai ao n aki kauniwaenai

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Itaia 37:1

Ao ngke e ongo naba te rongorongo arei Etekia, ao e raeuai kunnikaina i bukin rawaawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 41:5

ngke a roko waningaun mm'aane n te kawai are e nako Mitib'a man te kaawa are Tekem, Tiro, ao Tamaria. Bon i aon kawaia nakon te Tembora b'a a na anga aia b'aintangira te uita ao taiani kaboiarara nakon te UEA. A a bon tia ni koroi buaia, ao a raeraei aia kunnikai, ao a korokoroi rab'ataia, i bukina ngke a tang.

Ieremia 47:5

E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Etekiera 27:31

a koromaraia ao a kunnikainiia n te kunnikai ae e mangaingai ngke a tabe n tang ni korakai.

Etekiera 29:18

E a tia ni buakana te kaawa ae e buubura are Turo Uean B'aburon are Nebukaneta. E kairoroia ana tautia b'a a na uoti uotaia aika a rawaawata n te aro are a mm'aa nako iran atuuia ni mara, ao a uraura aon angaia ma ni maneka. A bon aki konaa naba n taua te kaawa are e buubura arei Nebukaneta ma ana taanga ni buaka.

Etekiera 7:18

Kam na kunnikainingkami ni kunnikai aika a mangaingai i bukin kaotan nanokawakimi, ma ane e na taoningkami te maaku. E na koreaki taekan te kamaamaaeaki i aon matami, ao ane kam na korobuataui atuumi ma te korakai.

Nakoaia Ibonga 19:28

ke ni korokoroingkami, ke n taitaiingkami i bukin taromaurian te mate.

Amota 8:10

N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Mareko 5:5

E memena ni nneia maate ao ri buakoni maunga ni katoa te bong ao te ngaina. E aki toki n tatakarua ao ni kokorokoroia n atiibu.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”