Ieremia 48:10 - Te B'aib'ara

¹⁰ I tangiria n tiringiia kaain Moaba, ao ngkana kam kabiri nako ia, N na bon kamaraiaingkami.”

Ieremia 48:10 ပူးပေါင်းရင်းမြစ်များ

1.Uea 20:39

Ao ngke e rikekei Aaba, ao e takaarua te burabeti arei nakoina ni kaangai, “Te uea ae ko karineaki, ngke e bo te buaka ao iai ae e kaira te taenikai nako iu ao e tuangai b'a N na tarataraia b'a e na aki birinako. E tuangai naba b'a ngkana e birinako te taenikai, ao N na bon katuaeaki n tiringaki ke ni kab'aka 34 te kirokuraem te tirewa.

1.Uea 20:40

Ma I rangi n tabeaianga ni karaoi b'aai aika a m'aiti, ao e a ti birinako naba te taenikai arei.” Ao e taku Aaba, “Ko na bon riai n katuaeaki n aron are ko a tia n taekinna.”

1.Uea 20:42

Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

2.Uea 13:19

Ao e un Eritai iroun te uea ao e taku, Ngke tao ko orea aontano nimaua ke onoua te tai, ao ko na boni kamaunanakoia kaain Turia. Ma ngkai, ko na ti kataenikaiia ti tenua te tai.

Ieremia 47:6

Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

Ieremia 47:7

Ma e na kangaa ni motirawa Au kabaang, ngkana I kanakoa b'a e na buakana Atikeron ma mataniwiin te aba?

Ieremia 50:25

I a tia ni kaotinakoi Au b'ai ni buaka, ao I kaairi ma te kamaraia i aon B'aburon.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Iotua 10:19

Ao nikirami kam na nako n reitanako kakioaia taian Amoraite b'a a na aki manga reke aia tai n okira aia kaawa. E a tia n anganingkami te UEA ae Atuami te tokanikai i aoia.”

Tani Motiki-taeka 5:23

Ao E taku Ana anera te UEA, “Ko na karokoa te maraia i aon te Kaawa are Meroti a rawa kaaina ni buoka te UEA ni buakaniia Ana kairiribai aika korakora.”

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.