Ieremia 46:6 - Te B'aib'ara

⁶ Kam marurung ao kam biri m'aaka, ma kam aki konaa ni biri nako. Kam b'aka n te buaka i rarikin te Karaanga are Iuberetiti.

Ieremia 46:6 ပူးပေါင်းရင်းမြစ်များ

2.Uea 23:29

E kam'anangaa ana taanga ni buaka Neko are uean Aikubita nako meangin te Karaanga are Iuberetiti i nanon ana tai ni uea Iotia b'a e na buoka uean Aturia. E kairiia ana taanga ni buaka Iotia nako meang b'a a na buakana Neko ma ngke a kaaitibo ni buaka i Mekito, ao e a mate Iotia.

2.Uea 24:7

E kataenikaiaki uean Aikubita are Neko iroun uean B'aburon are Nebukaneta, ao e taua taekan abana ni moa man Karaangan Aikubita are e uarereke ni karokoa te Karaanga are te Iuberetiti. Ma ngaia are, e aki manga oki Neko ni buakana Iuta.

Taian Areru 27:2

Ngke a eekainako aiau ma ni kataia ni kani kamateai, Ao a na bon tae aia kai mani b'aka.

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Itaia 8:15

Bon te b'ai ni kam'ane Ngai are e na raweia kaain Ierutarem—-a na konaaki ma ni katikitikaki nako.

Ieremia 1:14

E taku te UEA: N na kab'aroa te urub'ai i aon te aba ni kabane.

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Ieremia 46:10

Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Ieremia 46:12

A a tia n ongo tangim botannaomata ni kabane; ko b'ainrang, ko a bon ataia. A na b'aka am tautia nako aon te tano, ma ni b'aka temanna i aon temanna.

Ieremia 46:16

A b'aka i bon irouia am tautia temanna i aon temanna ao a taku, “Teirake! E na tiringiira ara kairiribai, ti ngkana ti biri nakon oin abara.”

Ieremia 50:32

Ko kamoamoa, ma ane e na reke waem ao ko na b'aka, ao bon akea temanna ae e na konaa ni buokiko ni kateirakeko. N na kabuoki ami kaawa aika a uarereke n te ai, ao a na bane n urarake akana i rarikim n te ai.

Ieremia 6:1

Biri n rawei maiumi, aomatan Beniamin. Oti nako mai nanon Ierutarem. katanga te bu i Tekoa ao kaura te ai are te kanikina i Beta-Akirem. Ko na oreaki n te tai ae e aki maan n te kabuanib'ai mai meang.

Taniera 11:19

Ao e na manga okira nonon are bon abana te uea, ma e na boni konaaki naba, ao ai bon anne naba tokina.

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.