Ieremia 46:5 - Te B'aib'ara

⁵ I konaa n noora te buaka ngkai kam a taenikai ao kam biri nako, n aki manga tatanrikaaki. E otab'aniniingkami te maaku.

Ieremia 46:5 ပူးပေါင်းရင်းမြစ်များ

Karikani B'aai 19:17

Ao e taku te anera are temanna, “Biiri iangoi maiumi. Tai tanrikaaki, ao tai tiku i nanon te m'arua ma biiri nakon taian tabuki, b'a kam aonga n aki mate.”

Itaia 13:8

A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Itaia 42:17

A na bane aomata aika a taromauriia taian bouannanti b'a kaanga antiia ni kamamaaeaki n ae moan te korakora.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 46:15

I a tia ni kab'aka antim ae e m'aaka are Abiti ma ni kakioa nako.

Ieremia 46:21

Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Ieremia 49:29

Ane ana katobibiaki irouia ana taanga ni buaka aika akea maakuia, ma n anai ami autinrianna ma ami b'ai, ami tiibu ao ami kaamero nako.

Ieremia 49:5

Bon te UEA Ngai ae Moan te M'aaka, ae I kona ni kanako ia botannaomata akana i rarikimi b'a a na oreingkami n te maaku. Ane kam na uamaaenako, a na akea ae e na tararuaia ami koraki ake taan raweimaiuia.

Ieremia 6:25

E taku te UEA, “Kam na aki m'akuri i nanon ami tawaana nako ke n nakonako i nanon te kawai. E rangi ni kamaamate. A rangi toamau kairiribai ni b'aai ni buaka

Etekiera 32:10

Ane a na maaku, ao ngkana I karaaitia au kabaang n tokanikai n te bong are ko na mate iai, ao e na ruru ni maaku aia uea n te b'ai ae e nang riki nakoia.

Etekiera 39:18

n rab'ataia taan buaka ao taan tautaeka ma ianena ake N na kareaniia kaanga te tiibu, ke taian kooti, ke taiani kao.

Naum 2:8

Ai aron te b'aronran man te nnenran ae e uruaki, birinakoia aomata mai Ninewe! E takaruaeakinaki ae e kaangai, “Tei! Tei!” ma akea ae e rairaki n oki.

Naum 2:9

A kuriaki tirewa! A kuriaki koora! E onrake te kaawa n te kaub'ai!

Teb'ania 1:14

E a kaan ana bong te UEA, e a rangi ni kaan, ao e rangi ni waekoa! Te bong ae moan te kakamaaku n te aro are e na bon rotaki naba iai te tautia ae moan te ninikoria.