Ieremia 46:28 - Te B'aib'ara

²⁸ Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

Ieremia 46:28 ပူးပေါင်းရင်းမြစ်များ

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Itaia 27:7

Bon te UEA Ngai, ae I aki katuaaia ma n tiringiia aomatan Iteraera n aron te tiritiri ao te katuua ae e kakamaaku are I tiringiia iai aia kairiribai nako.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 44:1

Kaain Iteraera, I a tia n rineingkami b'a au tia m'akuri.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Ieremia 1:19

Ane a na buakaniko ma a na aki tokanikai. Bon aei au taeka Ngai ae te UEA A na bon aki konaa n tiringko.

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Ieremia 15:20

i bukina b'a I kakorakorako, kaanga te oo te buraonti. A buakaka ao a tiritiri, ma N na mena i rarikim ikekei ni kamaiuko

Ieremia 23:4

I berita b'a N na kakaaeia taani kairiiri aika a na tararuaia kaanga taani kaawakintiibu ni koaua. A na bane ni mena au aomata ikekei, ao a na aki manga maaku n te b'ai teuana.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 30:10

Iteraera, bon au aomata ngkami, ma ngaia ae kam na aki maaku. Iteraera, kam na aki nim'atoaua. N na kamaiungkami man te aba are e raroa nako, man te aba are kam kataenikaiaki ngkoa iai kam na oki nakon mwengami ao kam na maiu ma te rau; Ane kam na mano raoi, ao akea ae e na konaa ni kakamaakuingkami.

Ieremia 30:11

N na roko iroumi ni kamaiungkami. N na kamaunaiia botannaomata ni kabane ake I kamaaenakoingkami nako ia, ma N na bon aki urua aromi. N na bon katuaaingkami ngkana I kanakoingkami; ma N na bon katuaaingkami n te aro ae e riai. Bon aei Au taeka Ngai ae te UEA.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

Ieremia 5:18

E taku te UEA: Ieremia, a na aki tiringiia ni kabane kaain Iuta kairiribai.

Ieremia 51:46

Kam na aki maaku ke ni kabuai ami kaantaninga, e ngae ngke iai taian maningongoo ae taekaia taani kairiiri i bukin kairan te waaki i nanon te kaawa ae e buubura ae B'aburon i nanon ririki ma ririki.

Taniera 2:35

Ma ngaia are, e a b'aka te biti ma te tano, ma te buraonti, ma te tirewa, ao te koora ni maerikiriki kaanga bubun te uita are e oreaki n tain te aumaiaki. E uotia nako te ang ni kabane ni bon akea nikirana. Ma e rikirake ni buubura te atiibu arei ni karokoa e a rabuna te aonnaba ni kabane.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

M'akuri 18:10

B'a I memena i roum, ao akea te aomata temanna ae na ekiko nako ni kaikoakiko: b'a a bati au aomata n te kaawa aei.”

1.I-Korinto 11:32

Ma ngkana a baireaki taekara iroun te UEA, ao E bon reireiniira iai, b'a ti aonga n aki uaia ni kabuakakaki ma te aonnaba ae ekaanako nanon te Atua.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.