Ieremia 46:21 - Te B'aib'ara

²¹ Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Ieremia 46:21 ပူးပေါင်းရင်းမြစ်များ

2.Tamuera 10:6

Ao a tib'a ataia kaain Ammon ae a rangi ni kauna Tawita, ma ngaia are, a manga kabooia riki tautia mairouia ianena. Uabwi ma uoua te ngaa mai buakoia aika taan nakonako man kaawan Aramean ake Beta Reoba ao Tob'a, teuana tengaa mairoun te uea are Maaka, ao tebwi ma uoua tengaa man te aono are Toba.

2.Uea 7:6

Ao ngke a tabe ni m'ananga nakon te maeka, ao te UEA e karikiia kaain Turia b'a a na ongo te karongoaa ae kaanga karongoaan te taanga ni buaka aika taan toka i aoia aoti aika a rangi ni m'aiti.

Taian Areru 37:13

Ma E ngareakiniia akana buakaka te UEA; b'a E ataa ae a nang kamaunaki.

Taeka n Rabakau 15:17

E raoiroi riki te am'arake ae e bon tau ae e kanaki ma te tangira nakon te baka n am'arake ae e mena iai te riribai.

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Itaia 34:7

Bon taiani kao aika a aki manana taani kairiiri i Etom. Bon taian kaom'aane aika a marurung, ma a na boni mate naba ma ake tabeman. Ane e na onrake abaia n raraaia ao e na maiu tanon abaia ni kiritin rab'ataia.

Ieremia 18:17

N na kamaenakoingkami kaanga bubun aontano ae e ukaki nako n angin mainiku, ngkana a buakaningkami ami kairiribai. Ao i mwiina, N na anga nuukau nako imi i nanon bongin te kabuanib'ai anne.

Ieremia 46:22

E na biri nako Aikubita, kaanga te naeta ae e katiiti, ngkana a roko aia taanga ni buaka kairiribai. A buakanna ma te tanai, kaanga mm'aane aika a korokai

Ieremia 46:5

I konaa n noora te buaka ngkai kam a taenikai ao kam biri nako, n aki manga tatanrikaaki. E otab'aniniingkami te maaku.

Ieremia 46:9

Waaki nako Aikubita ni karaoa ane ko taku. Tuangiia am kaanibuaka ao am taan toka i aoia aoti b'a a na buaka ni kakorakoraia. Tuangiia am taanga ni buaka b'a a na oti nako, ma kaain Itiobia ao kaain Ribia aika a uouoti aia otanga, ao kaain Ritia aika a uakainikatebe ao kanoanikatebe.

Ieremia 48:44

Ngkana kam maaku ma ni biri, ao kam na b'aka i nanon te m'aruarua; ngkana kam kawakawa n otinako man te m'aruarua, kam na manga reke n te b'ainikam'ane. E a roko te tai are kam nang katuaaeaki iai.

Ieremia 49:8

ma ngaia are, e riai n rairaki ni biri nakon Mwengana ane e roko mai Tetan.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Etekiera 30:22

Ma ngaia ae ko na tuangnga b'a Ngai ngkai ana kairiribai ae I rangi n riiribaia. N na otoi angana ni kauaai-are e raoiroi ma are e m'aoto! E na b'aka ana kabaang mai baina n aki toki,

Etekiera 35:5

Kaain Etom, kam aki ti riki b'a ana kairiribai Iteraera n te tai ae e maan, ma kam bon tarataraia naba ngkana a kamaunaaki nako aomatana n te kabuanib'ai i bukin aia bure nako.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!

Ob'aria 1:13

Ko bon riai n aki ninia aia kaawa au Aomata, ni b'ainingareia ngke a rawaawata ao ma n kurib'ai kaub'aia i nanon te bong are a buakanaki iai.

Mika 7:4

ni karokoa naba aia aomata aika a rangi n raoiroi, a riki n akea manenaia kaanga kaai aika kateketeke. E a roko te bong are E nang katuuaia iai aomata te Atua, n aron are E a bon tia n reireiniia rinanoia aia Tia Taratara aika burabeti. A bon teimatoa naba n aki ataa ae a na karaoia.

Mataio 22:4

E a manga kanakoia tooro tabem'aang, ao e taku, Kam na kangai nakoia ake a kaoaki, “Noria, I a tia ni katauraoi au am'arake; a tiringaki au kao ma au man aika a tia ni kamarikaki i bukin te kanaki. A bane n tauraoi b'aai nako. Nako mai nakon te baka!”

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.