Ieremia 46:19 - Te B'aib'ara

¹⁹ Kam na kairaki nako b'a taenikai, ma ngaia are, kam na booboti b'aai tabeua, aika kam na uoti ma ngkami. E na wene n akea kanoana ma n uruaki atuun kaawan ami tautaeka ae Membiti.

Ieremia 46:19 ပူးပေါင်းရင်းမြစ်များ

Itaia 19:13

A burababa ao a kam'aam'ane ana mataniwi te uea i Toan ao i Membiti. A tia n anga aia kaetieti aika a buakaka nakoia botannaomata taani kairiiri n tautaeka nako.

Itaia 20:4

A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

Ieremia 34:22

N na anga te babaaire, ao a na manga oki nakon te kaawa ae e buubura aei. A na buakanna, a na taua, ao a na kabuokia ni kab'aka. N na karika aia kaawa aika a buubura b'a kaanga taian rereua aika akea aika a maeka iai. Bon aei Au taeka Ngai ae te UEA.

Ieremia 44:1

Ao E tuangai te UEA b'a N na taetae nako ia taian Iutaia ake a maeka ni kaawan nako Miketora, Tabaneti, ao Membiti (Nobi) i Aikubita meang, ao ake a maeka naba i Aikubita maiaki. E tuangai b'a N na kaangai nako ia:

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 48:18

Kaain te kaawa ae Ribon, kam na aki manga oki ni karineaki, ma ngaia ae, kam na tekateka i buakon te baareka. Ane a na raeuaakaki oon ami kaawa ngkana a roko ami kairiribai ni buakaningkami.

Etekiera 29:11

E na bon akea naba aomata ke te man ae e na kataia ni m'ananga nako Aikubita, i bukina b'a akea kanikinaean te maiu iai i nanon abwi te ririki.

Etekiera 29:12

E na riki b'a te aba ae te kabanea n akea kain aona n te aonnaba aei. A na bane n uruaki kaawan nako Aikubita i nanon te abwi n ririki akanne, ao N na kamaaea nakoia am aomata nakoia bootanaomatan nako te aonnaba.

Etekiera 30:13

A na kamaaeaki taian bouannanti ma banna ake kam taromaurii ngkami aika kaain Aikubita n te kaawa are Membiti (Nobi). Bon akea temanna ae e na tiku n tautaekana am botannaomata, ao e na onrake te aba n te maaku.

Otea 9:6

E ngae naba ngkana ko biri nako ni maiu, ko na bon toki naba i Aikubita. ao n taunaki i Membiti. kaub'aim aika tirewa a na bua i buakon uteute; aika bwebwerake n am autinrianna nako.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.