Ieremia 46:18 - Te B'aib'ara

¹⁸ Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 46:18 ပူးပေါင်းရင်းမြစ်များ

Taian Areru 89:12

Ko kariki aaba nako i aang ao nako aiaki; A anene ni kim'areirei nakoim Tabora ma Oman.

Itaia 47:4

Bon te UEA Ngai ae Moan te M'aaka, Atuan Iteraera ae e tabu. Boni Ngai aia tia kamaiu.

Itaia 48:2

Kam atonga Ierutarem b'a mwengami ao kam taekinna b'a kam onimakinai, Ngai ae te UEA ae Moan te M'aaka, ae Atuan Iteraera.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 10:16

Ko karaoi b'aai nako Ngkoe ae Atuaia Iteraera, ao ko rinea Iteraera b'a am b'ai ni koaua. Aram bon te UEA ae Moan te M'aaka.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 4:7

E na oti nako te taanga ni buaka, kaanga te raian mani nena. E na tiringiia botannaomata ma ni katikui ami kaawa ma akea kaaia ao ni urubekebeke.”

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Ieremia 51:17

A nanobaba aomata aika a karaoi taiani bouannanti! Ane a na b'ara nanoia, i bukina b'a a aki konaa n ikeike antiia.

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Amota 4:13

Bon te Atua ae karaoi taian Maunga ao E karikii naba aang. E kaoti ana iango nakoia aomata E onika te ngaina nakon te tairiki ao n nakonako i aon tabuki. Bon te UEA Ngai ae E m'aaka!

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Mataio 5:35

ao tai m'anewea aran aonnaba, b'a nneni katokaani waena; ke aran Ierutarem b'a ana kawa te Uea are kakannato.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Iotua 12:22

Keteti, Iokeneam (i Karemera),

Iotua 19:22

E waaki nako te tia are mai meang nakon te maunga are Tabora ao Tiaatuma, ma Beta-temeti, nakon te karaanga are te Ioretan. Bon tebwi ma onoua kaawa aika a buubura ake a reke i nanona n reitaki naba ma kaawa aika a uarereke i rarikiia.

Tani Motiki-taeka 4:12

Ao ngke e ataia Titera b'a e a tia B'araka ni kaira ana taanga ni buaka nakon te Maunga are Tora,

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.