Ieremia 46:14 - Te B'aib'ara

¹⁴ “Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 46:14 ပူးပေါင်းရင်းမြစ်များ

2.Tamuera 2:26

Ao e takaarua Abenera nakon Ioaba ni kaangai, “Ti na katoka n ningai kakiokioakira i bon iroura? Ko aki ataia b'a ngkana maanra ni karaoa aei bon kakorakoraan riki te kangaanga n tokina? Ko nang tuangiia n ningai am rorobuaka b'a a nang katoka kakioakiia bon oin aia utu?”

Te Otinako 14:2

Tuangiia aomata b'a a na okirikaaki ma ni katei aia maeka i Bi Airota i marenan Miketora ao Taari are Uraura, i rarikin B'aara Tebon.

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Itaia 19:13

A burababa ao a kam'aam'ane ana mataniwi te uea i Toan ao i Membiti. A tia n anga aia kaetieti aika a buakaka nakoia botannaomata taani kairiiri n tautaeka nako.

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Itaia 34:6

E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 2:16

A a tia tautian kaawan Aikubita ma Membiti ao Tabaneti n urua tab'anoum.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 44:1

Ao E tuangai te UEA b'a N na taetae nako ia taian Iutaia ake a maeka ni kaawan nako Miketora, Tabaneti, ao Membiti (Nobi) i Aikubita meang, ao ake a maeka naba i Aikubita maiaki. E tuangai b'a N na kaangai nako ia:

Ieremia 46:10

Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Ieremia 46:19

Kam na kairaki nako b'a taenikai, ma ngaia are, kam na booboti b'aai tabeua, aika kam na uoti ma ngkami. E na wene n akea kanoana ma n uruaki atuun kaawan ami tautaeka ae Membiti.

Ieremia 46:2

N ana kaaua n ririki ni uea Ieoiakim i aon Iuta, e a taenikai uean Aikubita are Neko i roun Uean B'aburon are Nebukaneta n te buaka n te kaawa are Kakemiti i rarikin te Karaanga are Iuberetiti. Ao aei are E tuangai te UEA b'a N na taekinna i bukin ana taanga ni buaka Aikubita:

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Etekiera 30:13

A na kamaaeaki taian bouannanti ma banna ake kam taromaurii ngkami aika kaain Aikubita n te kaawa are Membiti (Nobi). Bon akea temanna ae e na tiku n tautaekana am botannaomata, ao e na onrake te aba n te maaku.

Otea 9:6

E ngae naba ngkana ko biri nako ni maiu, ko na bon toki naba i Aikubita. ao n taunaki i Membiti. kaub'aim aika tirewa a na bua i buakon uteute; aika bwebwerake n am autinrianna nako.

Naum 2:13

E taku te UEA ae Moan te M'aaka, “Boni Ngai am kairiribai. N na kabuoki am kaanibuaka. A na mate am tautia i nanon te boo ni buaka, ao N na anai b'aai ni kabane ake ko anai mairouia tabem'aang. E na aki manga ongo te aba b'anaan am tia uarongorongo.”

Te Tua-Kaua 32:42

A roko nanoia au kanoanikatebe n nimakin raraaia kairiribai; ao au kabaang e na katoong irikoia ma raraaia kairiribai. E na tiringiia buure, ma ni korei ni kanakoi atuuia aia taani kairiiri.