Ieremia 46:10 - Te B'aib'ara

¹⁰ Ma E na tokanikai te UEA ae Moan te M'aaka n te buaka aei ao E na katoka nanona irouia aiana. A na kanaki n ana kaabaang ao ma n nimaki raraaia ni karokoa e ngae. Ane a na tiringaki i meaang i rarikin te karaanga are Iuberetiti, b'a te karea nakon te UEA.

Ieremia 46:10 ပူးပေါင်းရင်းမြစ်များ

2.Uea 24:7

E kataenikaiaki uean Aikubita are Neko iroun uean B'aburon are Nebukaneta, ao e taua taekan abana ni moa man Karaangan Aikubita are e uarereke ni karokoa te Karaanga are te Iuberetiti. Ma ngaia are, e aki manga oki Neko ni buakana Iuta.

Iobi 24:1

E aera te Atua ngkai E aki karekea te tai ni motikitaeka, te bong i bukin karaoan te eti nako ia aomata aika toro i Rouna.

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 31:8

Ane a na tiringaki kaain Aturia, ma a na aki mate n aia kabaang aomata. Ane a na kataia rorobuakana ni biri nako n rawei maiuia, ma a na manga bon reke ma ni kairoroaki b'a a na riki b'a tooro.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Itaia 63:4

I karaoa aei i bukina b'a I irantaanga e a roko te tai i bukin kamaiuaia au aomata.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 46:14

“Ko na taetaekinna i nanon kaawan nako Aikubita, i Miketora, Membiti, ao Tabaneti ni kaangai: katauraoi ni bon tei i bukimi; b'aai ni kabane aika iroumi a na bane n uruaki n te buaka!

Ieremia 46:2

N ana kaaua n ririki ni uea Ieoiakim i aon Iuta, e a taenikai uean Aikubita are Neko i roun Uean B'aburon are Nebukaneta n te buaka n te kaawa are Kakemiti i rarikin te Karaanga are Iuberetiti. Ao aei are E tuangai te UEA b'a N na taekinna i bukin ana taanga ni buaka Aikubita:

Ieremia 46:6

Kam marurung ao kam biri m'aaka, ma kam aki konaa ni biri nako. Kam b'aka n te buaka i rarikin te Karaanga are Iuberetiti.

Ieremia 50:15

Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 50:18

Boni Ngai te UEA ae Moan te M'aaka, ae Atuaia Iteraera, ae I katuaaea uean Aturia, ao N na bon katuaaea naba uean B'aburon.

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Ioera 1:15

Ti a reke n te kaangaanga! E nang karokoa te kabuanib'ai te UEA are Moan te M'aaka n te tai ae e aki maan.

Ioera 2:1

Katanga te bu i aon Tion are ana tabuki ae e tabu te UEA. Kauringiia aomata nako b'a a na ruru ni maaku! E nang roko ana bong ni motikitaeka te UEA n te tai ae e aki maan.

Tekaria 6:6

E nako iaang te kaa ni buaka are e katikaki irouia aoti aika a roro, ao are e katikaki irouia aika mainaina a wairio: ao are e katikaki irouia ake a tabonobono ni kureei, a nakoaiaki.”

Ruka 21:22

B'a aei te tai are E na karawawataki iai Iteraera iroun te Atua, b'a e na kakoroaki nanon are koreaki n te B'aib'ara.

Te Tua-Kaua 32:42

A roko nanoia au kanoanikatebe n nimakin raraaia kairiribai; ao au kabaang e na katoong irikoia ma raraaia kairiribai. E na tiringiia buure, ma ni korei ni kanakoi atuuia aia taani kairiiri.