Ieremia 44:26 - Te B'aib'ara

²⁶ Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Ieremia 44:26 ပူးပေါင်းရင်းမြစ်များ

Karikani B'aai 22:16

“N na karaoa te berita i bon irou, bon Ana taeka te UEA, N na boni kabatia kakab'aiakim. I bukina ngkai ko a tia n aki taua natim te mm'aane ae am rikitemanna nako iu,

Taian Areru 50:16

Ma E kaangai te Atua nakon ane buakaka, Tera am b'ai ngkai ko taekin au tua? Tera am b'ai ngkai ko maroroakina taekan au boraraoi?

Taian Areru 89:34

N na aki urua au boraraoi ma ngaia ke ni bita au taeka are I a tia ni kab'aka nakoina.

Itaia 62:8

E a tia n anga ana taeka te UEA ao e karaoa te berita aei: N na aki manga anga riki nakoia ami kairiribai taian uita ao taiani kureebe aika kam bon bekutata ni karaoia.

Ieremia 22:5

Ma ngkana kam aki katinanikuai, ao I berita ni bon arau b'a e na wene n uruaki te bareti aei.

Ieremia 24:8

Taian biiku ake a buakaka a tei i bukin uean Iuta are Tetekia, ma ana mataniwi, ao ake tekorakina ni kabaneia ake a uotaki nako B'aburon, e ngae ngke tao a tiku ikai i Iuta ke a tia n nako Aikubita.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Ieremia 44:11

Bon te UEA Ngai ae Moan te M'aaka, ae I baaireia b'a N na kamaunaingkami n taiani kabuanib'ai.

Ieremia 44:14

Bon akea iroumi ae e na reke maiuna. Ane kam na iaiangoa okiran Iuta n te bong teuana, ma bon ti tabeman maibuakomi aika a na reke birinako ia man te mate ma n reke okiia.

Ieremia 44:24

Ao i mwiina, I tuangiia mm'aane ao buia, te b'ai are E taekinna te UEA ae Moan te M'aaka, ae Atuaia Iteraera ae e kaangai:

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 49:13

Boni Ngai ae te UEA ae I tuea ni bon arau b'a oin ami kaawa ae Botira ao ami kaawa ni kabane a na bane n karawaawataaki ni katauakiia ae e kakamaaku. A na wene n uruaki n aki totoki, ao aomata ana kabongana te ara ae “Botira” b'a te taeka ni kamaraia

Ieremia 5:2

A bane aomata ni kabane n urua aia berita aika a karaoi n Arau.”

Ieremia 51:14

Boni Ngai ae te UEA ae Moan te M'aaka, ae I tuea ni bon oini maiu b'a a na kaona kawain nuukan ami kaawa aia tautia kairiribai kaanga te taanga n rokati. Ane a na takaarua ao a na rungaa aia tokanikai.

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Etekiera 20:39

Waaki nako n taromauria ami bouannanti n te tai aei, ngkoe ae Iteraera, b'a N nang karaoiko b'a ko na aki karineai n te tai ae e aki maan b'a ko nang anga b'aintangira nakoia.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Amota 6:10

E na kaotinakoaki rab'atan te mate man te auti iroun teuare a na buu te mate arei, are bon ngaia naba ae mataniwiia te bootaki ni mate arei. E na wewete te buu arei nakoia ake a tiku n te auti ni kaangai, “iai riki raom temanna ikanne?” Ao e na kaekaaki ni kaangai, “akea” Ao e na kaangai ana buu teuare e mate, “Tai karongoaa, ti riai ni kaawakiniira man atoatongan aran te UEA.

Amota 6:8

E a tia n anga te kauring te UEA ae rietaata ae moan te m'aaka ni kaangai, “I bati n ribaai aia kamoamoa Iteraera: I bati n ribaai naba mwengaia aika a raraoi, ao N na anga aia kaawa ae atuun aia tautaeka nakoia aia kairiribai.”

Amota 8:7

E a tia ni berita te UEA ae Atuaia Iteraera ao E kaangai, “N na bon aki m'aninga aia m'akuri aika a buakaka.”

Warekaia Iteraera 14:28

A m'aiti ami tai ni ngurengure nako Iu ngkami aika aomata aika taani bure! Ao ngkai I berita i boni i Rou b'a N na anganingkami te b'ai are kam bon tangiria.

Ebera 3:18

Ao antai ake E taetae n tuea nako ia b'a a na aki rin i nanon ana motirawa? Tiaki ake a aki ongeaba?

Ebera 6:13

Ngke e anganaki Aberaam te taeka n akoi iroun te Atua, ao E tuea i bon i Rouna, ngke akea riki temanna ae kakannato riki nako Ina are E kona ni kamanena arana ngkana E tuea;

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.