Ieremia 44:17 - Te B'aib'ara

¹⁷ Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

Ieremia 44:17 ပူးပေါင်းရင်းမြစ်များ

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

2.Rongorongo 28:23

E taku i bon i rouna, “A tia ngkai antin Aturia ni buokiia aia uea ni kataenikaiai. Tao ngkana I angakarea nakon taian anti aikai, ao a na bae ni buokai.” Bon anne te bure are e a kab'aka Aati, ao ni karokoa naba uruan Iuta.

Neemia 9:34

A tia ara uea, ara taani kairiiri, ao ara ibonga n aki ongotaeka nakon am tua ke n ongotaeka nakon am kauring nako.

Taian Areru 106:6

Ti a tia ni bure n ai aroia naba ara bakatibu, Ti a tia ni karaoa ae bure ma ae buakaka.

Taian Areru 12:4

“Ti kareke baika ti tangiri man rabakaura n taetae. Taan taetae ngaira aika ti b'aakuaku, ao akea i aora.”

Te Otinako 16:3

ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”

Itaia 48:5

Ao I tuangngkami b'aai aikai, b'a ngkana a riki ao kam na aki kaangai, “A karaoa te aekaki aei taian bouannanti ake ti taromaurii.”

Ieremia 1:16

N na katuaaia au aomata, i bukina b'a a kaairua ngke a rairaki nako mairou n taromauri bouananti.

Ieremia 11:12

Ao i mwiina, a na anga taiani karea nako ia anti tabem'aang ma ni kakaaea buokaia mairouia. A rangi ni m'aiti riki antiia kaain Iuta nakon aia kaawa,

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 19:13

ma ni kabuoka te b'ai ni kaboiarara nako ia taian itoi i karawa, b'a kaanga manga taian anti. Ao kam a tia n anga taiani karea aika te wain nako ia antiia ianena.

Ieremia 44:21

Kam bon aki ataia b'a te UEA E ataa te b'ai are kam karaoia ma ami bakatibu, ma ami taani kairiiri ao ami uea, ao aomata ni kabane; are kam kabuoka te b'ai ni kaboiarara nako ia anti tabem'aang i Ierutarem ao n taabo nako i Iuta?

Ieremia 44:25

Kam bon teimatoa ni karaoa ami berita ikai i Aikubita are kabuokakin te b'ai ni kaboiarara ao te anga Karea te Wain nakon Ueanainen Karawa.

Ieremia 44:9

Ngke kam maeka ngkoa i Ierutarem ma Iuta, kam katotongia ami bakatibu ni karaoi m'akuri aika a buakaka, kaanga ami uea ma ami ueanaine nako.

Ieremia 7:17

Kam noora te b'ai ae a karaoia kaain Iuta i nanon aia kaawa ao i nanon kawain nako Ierutarem?

Ieremia 7:18

A rikoi aia ataei, ao a kauraa te ai tamaia, ao tinaia a kabooboa te buraawa b'a a na kariki i bukin antiia te aine are a aranna b'a ueanainen Karawa. A bon anga naba te wain nako ia anti tabem'aang, b'a I aonga ni matauninga.

Etekiera 20:32

Tao a taku b'a a konaa ni katotoongia aroia botannaomata ake tekorakina ni waakina aroia i bon irouia n taromauri taiani bouannanti aika a karaoaki n taiani kai ma atiibu. Ma bon anne te b'ai ae e na riki!

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Etekiera 23:41

A tekateka i aon kaintekateka aika maraurau, ao te taibora i mataia i bukin b'aan te oriwa ao te b'ai ni kaboiarara are Au b'ai.

Etekiera 8:16

Ao I a manga kairaki nakon katawanangin te Tembora, ike a noori uangaun ma niiman aika a tei i rarikin te mataroa n rin, i marenan te b'aranta ao te baonikarea. A akuuna ana Tembora te UEA, ao a boobaraaki nakon otin taai.

Ab'akuka 1:16

A taromauri aia karaun, man angakarea naba nako iai, i bukina b'a a reke b'aai ake a tangiri ni kabane man aia karaun.

Warekaia Iteraera 30:12

Ma ngkana e ongo buuna taekan ana berita ao e totokoia, ao e na bon aki kakoroa bukin ana berita. Ao E na bon kab'araaki ana bure iroun te UEA, i bukina ngke e bon aki kariaiakaki iroun buuna.

Warekaia Iteraera 30:2

Ngkana iai ane karaoa ana berita nakon te UEA, ao kam riai ni kakoroa bukin ami taeka.

Mareko 6:26

E rangi n nanokawaki te uea; ma i bukin ana taeka ni bau are e a tia n atongnga i mataia ana iruwa, ao e aki kan urua ana taeka ni bau nakon neierei.

Te Tua-Kaua 23:23

Ko na riai ni kaawakini ami berita ni kabane ake kam karaoia nakon te UEA. Boni ngkoe ae ko baaireia b'a ko na karaoa te berita, ao akea ae imanonoiko.

I-Biribi 3:19

Bon te mate tokiia, ao a atuani birotoia; a kamoamoaia ni baika a riai ni mamaa iai, ao ti te iangoi b'ain aon te aba.

1.Betero 1:18

Kam ataingkami b'a kam aki kainaomataki ni baika kai mauna, ae te tirewa ma te koora, man aromi nikawai ae akea manenana, ae kam anganaki mairouia ami bakatibu;

Tani Motiki-taeka 11:36

Ao e taku natina, Tamau, ko a tia ni berita nakon te UEA, ao E anganiko te tokanikai i aoia kaain Ammon. Ao ngkai ko riai ni kakoroa nanona, e aoria ngkana N na mate iai.