Ieremia 44:14 - Te B'aib'ara

¹⁴ Bon akea iroumi ae e na reke maiuna. Ane kam na iaiangoa okiran Iuta n te bong teuana, ma bon ti tabeman maibuakomi aika a na reke birinako ia man te mate ma n reke okiia.

Ieremia 44:14 ပူးပေါင်းရင်းမြစ်များ

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Ieremia 22:10

E a mate te Uea are Iotia, ma kam na aki tang i bukina. Ma kam na tang i bukin natina te mm'aane are te Uea are Ioati are e katikitikaki nakon te kaawa teuana, ao e aki manga oki.

Ieremia 42:17

A na bane ni mate n te buaka ke te baki ke te aoraki koraki akana a iangoa te nako Aikubita ni maeka iai. Bon akea nikiraia ae e na tiku ni maiu, ao akea naba ae e na reke birinakona man te kabuanib'ai are N nang karokoa i aoia.’

Ieremia 42:22

Ma ngaia ae, kam na mate i Aikubita n te buaka, te baki, ke te aoraki.

Ieremia 44:26

Kaawakin taiani berita aikai! Ma N na ti tuangkami te b'ai ae e na riki. Ngkai bon te UEA Ngai ae te Atua, I tuea b'a N na aki manga butim'aai ami berita ake kam karaoi n arau.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Mataio 23:33

Ngkami aika naeta, aika buniia naeta aika kamamate, kam na kanga ni kamaiungkami mani motikan taekami are kam na karawawataki iai i Keenna?

I-Rom 2:3

Ao ngkoe ae te aomata ae ko taku n am baire b'a a buakaka aomata aika karaoi baikai, aika ko boni karaoi naba, ko kona ni biri nako mai m'ain ana motiki-taeka te Atua?

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;