Ieremia 41:9 - Te B'aib'ara

⁹ Te m'anib'a are a kaakarenako ia aia mate iai bon te m'anib'a ngkoa are e kenaki i roun Uean Iuta are Ata i bukin nnen te karau, b'a e maaku ngkoa ngkana e roko te Uea are B'aatia are uean Iteraera ni katobibia Mitib'a man tauia aomata i nanona b'a a na aki karekea aia ran.

Ieremia 41:9 ပူးပေါင်းရင်းမြစ်များ

2.Tamuera 17:9

E na bae n tia ni karabaa n te nangananga ni b'aa ke n taabo tabeua. N te tai are a ongo iai b'a a tia n tiringaki am tautia, ao ane a taku aomata nako b'a e mate te taanga ni buaka ae b'anin.

Itaia 14:19

Ma ngkoe ko na katukaki n aki taunaki, ao te mate riki temanna ae e wene i aan te wae kaanga te m'aoto ni m'aanga. Ko na riki b'a temanna mai buakoia tautia aika a mate n te buaka ao a ruorikaaki nakon b'angab'angan te b'aa ae moan te nano.

Ebera 11:38

a aki tau nakon te aonnaba aei: a tiotio nako n rereua, ao i aoni maunga, ao i nanoni b'angani matang ma kinonon te aba.

Tani Motiki-taeka 6:2

Ao a rangi ni buakaka aroia kaain Miiria nakoia Iteraera, ma ngaia are, a birinako Iteraera nakon te naani maunga ni karabaia n te naan nangananga ni b'a.

1.Tamuera 13:6

Ao tib'a ataia tautian Iteraera b'a a nang bane aia koraki, ao a nang konaaki. Ao a karabaia tabeman m'anen Iteraera n taian nangananga ni b'a ke i nanon taian buakonikai, ke i nanon taian karuarua aika nano aika m'auteretere.

1.Tamuera 14:11

Ao a tei i oin te tabuki Ionatan ma ana tautia n te tabo ike a nooraki raoi iai i rouia kaain Biritia. Ao a taku kaain Biritia, “Ao bon nooriia Iteraera aika bon te akea uaaia b'a a tia n otinako man te b'angab'anga ike a karabaia iai.”

1.Tamuera 14:22

Ao angiia Iteraera a tia ni karabaia n aaba ake a tabukibuki i Eberaim. Ao ngke a ongo b'a a birinako kaain Biritia, ao a otinako man te tabo are a karabaia iai, ao a manga buoka kakioakiia kaain Biritia.

1.Tamuera 24:3

Ao e roko n te nangananga ni b'aa ae e kaan ma taian oo n tiibu tabeua i rarikin te kawai ao e nako b'a e na rairaki. Ao ngaia bon te nangananga ni b'aa are e karabaa iai Tawita ma ana rorobuaka.