Ieremia 41:5 - Te B'aib'ara

⁵ ngke a roko waningaun mm'aane n te kawai are e nako Mitib'a man te kaawa are Tekem, Tiro, ao Tamaria. Bon i aon kawaia nakon te Tembora b'a a na anga aia b'aintangira te uita ao taiani kaboiarara nakon te UEA. A a bon tia ni koroi buaia, ao a raeraei aia kunnikai, ao a korokoroi rab'ataia, i bukina ngke a tang.

Ieremia 41:5 ပူးပေါင်းရင်းမြစ်များ

Karikani B'aai 33:18

Ao i nanon kawaina n oki mai Metobotamia, ao e roko raoi Iakob'a n akea te kangaanga n te kaawa are Tekem n te aba are Kanaan, ao e katea iai ana auti n rianna n te tawaana are i rarikin te kaawa arei.

Karikani B'aai 34:2

Ao ngke e nooria Tekem are natin Amora are te I-Iwaite, are mataniwiin te aono arei, ao e nako n raweia, ao e taua.

Karikani B'aai 37:12

Ao n te tai teuana ngke a tia n nako tarin Ioteb'a nako Tekem ni kam'arakei ana nanai n tiibu tamaia

2.Tamuera 10:4

Ma ngaia are, e katikiia ana mataniwi Tawita Anun ao e koroibuaia n iteran ubuia are te iterana. E koroi niiniiraia mai aan beebeia, ao i mwiina, e kanakoia.

1.Uea 12:1

Ao e m'ananga nako Tekem Reoboam ike a babane n tataninga iai aomata b'a a na kauea.

1.Uea 12:25

Ao e a manga katea Tekem i Eberaim Ieroboam mani karikiia b'a te kaawa ae e matoatoa riki nakon are mai i m'aaina, ao i mwiina e a m'aing nako ikekei. E nonoa naba te kaawa are Benuera.

1.Uea 16:24

ao i mwiina e kabooa tabukin Taamaria mairoun Temera n taian tirewa ae e kaaniia 70 te kirokuraem rawawataia. E karaoa te kaawa ikekei ao e aranna b'a Taamaria b'a ingoan Temera are ana b'ai ngkoa te tabuki arei.

1.Uea 16:29

Ao e uea Aaba are natin Omri te m'aane i aon Iteraera n ana 38 n ririki ni uea Ata i aon Iuta, ao e tautaekana Iteraera mai Taamaria i nanon 22 te ririki.

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

1.Rongorongo 19:4

Ao Anun, e tauia ana mataniwi Tawita ao e koroi buaia ni kabane ao e korouai niiniiraia rikaaki nakon koreaia, ao e kanako ia ni kaokiia.

Taian Areru 102:14

A kakawaki atiibuna iroura, ngaira aika am Toro; Ao a karika nanokawakira taraani bubun aontanona.

Taian Areru 78:60

E kitana ana Tembora are i Tiro, are nena ni maeka i buakora.

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 41:4

N te bong are i mwiina, e bon aki kuneaki naba taan tiritiri,

Ieremia 47:5

E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 7:12

Naako nako Tiro, ike e tei iai ngkoa iai au autinrianna ae e tabu. Kam na tarataraa te b'ai are I karaoia ngkoa ikekei. A tia ni bure au aomata aika Iteraera, ngaia are I kamaunaa iai Tiro!

Ieremia 7:14

Kam na tai taku b'a e na kaawakiningkami te Tembora aei. I tuangiia ami bakatibu n taai aika a b'aka nako b'a a na kateia ma n taromauriai ikai, ma ngkai I a tia ni baaireia b'a N na kamaenikunna ni kab'aka, n aron are I karaoia nakon Tiro.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Iotua 18:1

Ngke a tia aomatan Iteraera n taua te aba, ao a bane ni ikotaki i Tiro ao a katea ana Um'antabunrianna ni kaota memenana iai.

Iotua 24:32

A uoti riin Ioteb'a aomatan Iteraera mai Aikubita, ao a taunna i Tekem are te m'akoro n aba are e kabooa Iakob'a ngkoa n tebubua te m'akoro n tirewa mai roun natin Amora are taman Tekem. E b'ainaki te m'akoro n aba aei i rouia kanoan Ioteb'a.

Tani Motiki-taeka 9:1

Ao e nakon te kaawa are Tekem teuare Abimereka are natin Kiteon, ao ngke e mena ikekei, ao e kaaitibo ma ana koraki tinana

1.Tamuera 1:7

e a moamoa riki n te tai are a nako iai aia utu nakon Ana auti te UEA ni katoa ririki. N te bong teuana, ngke tabe n angakarea Erekana, ao Anna e tabe n tang ao e rawa n am'arake,