Ieremia 40:15 - Te B'aib'ara

¹⁵ Ma ngaia are, e m'ananga Ioanan ni kawara Ketaria ao e karabaa n taetae ma ngaia ao e taku, “Kariaiai b'a N na tiringa Itimaera. Bon akea ae e konaa n ataia b'a antai ae e karaoia. Bon ti tabeman nikiraia aomata aika a tiku i Iuta, ao a bane n onimakiniko. Ao ngkana ko tiringaki, Ao a na manga maaenako ke a na tiringaki, ngkana ko tiringaki.”

Ieremia 40:15 ပူးပေါင်းရင်းမြစ်များ

2.Tamuera 18:3

Ma a taku tautia, “Ko na aki. Ko na aki iriira ni buaka! E na bon ti te bo naba ngkana ti riki ni biri nako mairouia ara kairiribai, ke ngkana a tiringiia iteran ara taanga ni buaka. E raoiroi riki ngkana ko tiku n te kaawa ao ko karoorokoa buokara ngkana ti tangiria.”

2.Tamuera 21:17

Ma e roko Abitiai are ai natin Tawita, are tarin Ioaba ni buokia n tiringa kaain Biritia arei. Ma a tua ana tautia Tawita ni kangai, “Ti a aki kariaia b'a ko na manga ira te buaka! Ko na anga te oota nakon ara botannaomata, ao ti tangira te oota anne b'a e na teimatoa n ura.”

Iobi 31:31

A bane n ataia aomata ake a m'akuri i rou b'a I teimatoa ni bubutim'aia iruwa.

Ieremia 40:8

Ma ngaia are, a m'ananga aia mm'aane Itimaera natin Netania te mm'aane, ma natin Ioanan are natin Karea te mm'aane, ma Teraia are natin Tanumeta te mm'aane, natin Eb'ai mm'aane are kaain Netob'a, ao Ietania mai Maaka ni kawara Ketaria i Mitib'a.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Ioane 11:50

Kam aki iango b'a e tamaroa riki i bukimi b'a e na iai temanna ae na mate i bukiia aomata, nakon ae e na bane ni mate te botannaomata aei?”

1.Tamuera 24:4

Ao a taku nakoina, “Aio am tai! E a tia n tuangko te UEA b'a E na kaaki am kairiribai i aan m'aakam ao ko konaa ngkai ni karaoa ane ko bon taku.” Ao e kawakawa nako Tawita ao e korea rabin ana kunnikai Tauro n te aro ae e na aki namakinna.

1.Tamuera 26:8

E taku Abitiai nakon Tawita, “E a tia te Atua ni katuka taekan am kairiribai i nanon baim n te tairiki aei, Kariaia b'a N na ewaria n oin ana kainiwai ni kanimm'a ma te tano n ti teuana ruon baiu; I aki manga ewaria riki te kauoua n tai.”