Ieremia 4:14 - Te B'aib'ara

¹⁴ Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Ieremia 4:14 ပူးပေါင်းရင်းမြစ်များ

Taian Areru 119:113

I ribaia akana aki bane nanoia ni kakaonimaki nakoim; ma I tangira am Tua.

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 66:18

Ngke arona b'a I a kamani katinanikui taekan au bure, Ao E na bon aki ongo irou te Uea.

Taeka n Rabakau 1:22

“Tao maanra riki ngkami ni kukurei ni maiumi ae e nanobaba? E aera ngkai kam aki katoka te kakaniko ma ngareakinan te rabakau?

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 13:27

N na buuta kunnikaimi ma ni kabebekaningkami ao ni kamamaaingkami b'a a na nooringkami aomata nako. Kam a reke n te kabuanib'ai! Kam konaa ni karaoa ae e raoiroi ni manga taromauriai riki?

Ieremia 17:1

Kaain Iuta, a aki konaa ni kamaunaaki ami bure. A koreaki i nanomi kaanga taeka aika a koreaki n te unika i aon te atiibu ke nib'aaki i aon koonan taian baonikarea.

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 2:22

E taku te UEA: Kaain Iteraera, kam a barekareka n te bure, ao akea te toobu ke te b'ai ni kanakomemea ae e konaa ni kanakoa.

Ieremia 6:19

A kakeaa bonganau Au aomata ao a katinanikui au tua nako. A baaireia b'a a na karaoi m'akuri aika a buakaka, ao ngkai, te buakaka are a baaireia e na manga bon riki nako ia.”

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Tekaria 8:17

Kam na bon aki naba iangoi iango aika buakaka i marenami n tatabemaningkami ke n taekina te kewe ngkana kam berita. I ribaai baikai Ngai ae te UEA.

Mataio 12:33

E riai n iai i roumi te kai ae maiu raoi ngkana kam tangira te uaa ae raoiroi; ngkana e aki maiu raoi te kai, ao ane kam na karekea uaana ae buakaka; b'a e kinaki aron te kai n uaana.

Ruka 11:39

Ao E taku te Uea nako ina, Ngkami aika B'aritaio, kam kaitiaka tinanikun te m'angko ma te raurau, ma a on nanomi n tangiran te kan tautaeka ma te kani kaub'ai, ao te buakaka.

Ioane 13:9

E taku Timon Betero nakoina, “Te Uea, tiaki ti waeu, ma teboki naba baiu ma atuu!”

M'akuri 8:22

Ma ngaia ae ko na raira nanom n raraoma i bukin am iango ane reke i roum anne, ao butiia te Atua b'a tao E na kab'ara buren am iango anne, ngkana arona.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

1.I-Korinto 3:20

Ao e koreaki naba ae kangai: “E atai nanoia akana rabakau te UEA b'a akea maneia.”

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.