Ieremia 39:5 - Te B'aib'ara

⁵ Ma a reke irouia ana taanga ni buaka B'aburon i rarikin te kaawa are Ieriko. A katika Tetekia ao a uotia nakon te kaawa are Ribera n te aba are Amata, ike e kabowiaki motikan taekana iai i roun Nebukaneta, ao e reke n te bure

Ieremia 39:5 ပူးပေါင်းရင်းမြစ်များ

2.Tamuera 8:9

A tia ni kairiribai te uea are Toi mai Amata ao te uea are Atatetera. Ma ngaia are, ngke e ongo Toi ae e a tia Tawita ni kataenikaia ana taanga ni buaka ae e b'anin Atatetera, e a kanakoa natina te m'aane are Ioram n angan Tawita te kaaitau.

2.Uea 17:24

E anaiia aomata ake a maeka ni kaawa aika a buubura ake B'aburon, Kuta, Awa, Amata, Tebarawaim uean Aturia, ao e kairoroia b'a a na m'ae nako Iteraera. A taui kaawa ake a maeka iai Iteraera, n reitaki ma kaawan te tautaeka ae e buubura are Taamaria.

2.Uea 23:33

E katika Ieoaati uean Aikubita are Neko ao e karabutinna i Ribera i rarikin Amata. I mwiina, e kairoroia aomatan Iuta b'a a na kab'aka nako ina e kaaniia aua te tan te tirewa ao e kaaniia 35 te kirokuraem te koora b'a te taekiti.

2.Uea 25:6

E uotaki nako Tetekia nako Ribera, ike e a kabowiia iai taekana Nebukaneta ao e reke ni bure ni bukinana.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Itaia 22:3

A biri nako ami taani kairiiri, ma a na tauaki e ngae ngkana e a toki te buaka. E aoria ngkana tao ai raroara ae a tia ni biri nako iai, a na bon kuneaki naba ma n tauaki.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 24:8

Taian biiku ake a buakaka a tei i bukin uean Iuta are Tetekia, ma ana mataniwi, ao ake tekorakina ni kabaneia ake a uotaki nako B'aburon, e ngae ngke tao a tiku ikai i Iuta ke a tia n nako Aikubita.

Ieremia 38:18

Ma ngkana ko aki taenikai, ao N na karokoa ana taanga ni buaka B'aburon b'a e na taua Ierutarem ma ni kabuokia ni kab'aka, ao ngkoe ko na uotaki nako b'a te taenikai.”

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

Ieremia 4:12

ngkami kaain Ierutarem ngkana e roko te kabuanib'ai, “I kanakoa te angibuaka man te rereua te ang ae e aki raoiroi. Ao e na iribiko nako b'a katuaaeam i bukin am bure nako.

Ieremia 44:30

N na anga Uean Aikubita are Obera nako ia akana a tangiria n tiringnga, n arou ngke I anga Tetekia nakon Nebukaneta, are e tangiria naba n tiringnga.

Ieremia 49:23

E taku te UEA i bukin Tamateko: A a tia n ongo rongorongom ae e aki raoiroi ni kaawa aika Amata ao Arab'ata. A a tia ni bua aia kaantaninga, ao e a taoniia te nanououa kaanga ai aron naon marawa.

B'aeb'aeti 1:3

A riki aomatan Iuta b'a tooro aika akea aroia, aika a uotaki nako mani mwengaia. A maeka n te aba ae a iruwa iai, ae akea abaia ike a na inaomata n ununiki iai. E katobibiaki irouia ana kairiribai, ao e aki kona n reke birinakoia.

B'aeb'aeti 4:20

A uotaanako buroora are mwiokon maiura, are E a tia n rineia te UEA, are teuare ti onimakinna b'a te tia kawakiniira mai irouia ara kairiribai.

Etekiera 23:24

A na roko aia taanga ni buaka ae e korakora mai meaang ma kaa ni buaka ao kaa ni m'am'ananga aika a uoti b'ai ni buaka. A na karin taian otanga ao taiani b'ara ni buaka ao a na katobibiko ao N na karaoia b'a a na motikii taekam ao a na katuaaeako ni kaineti ma oin aia tua nako.

Ab'akuka 1:7

A karika te maaku, ao a kamoamoa b'a akea ae e kona ni waeia.

Warekaia Iteraera 13:21

Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.

Iotua 13:5

A tuai reke naba abaia I-Keeb'ara, ma Reb'anon ni kabane ake i mainiku, ni moa mai B'aara-kata, are i maiakin te maunga are Oman nako kawain Amata.

Iotua 4:13

Tao e nakon abwi te ngaa m'aane ake a tauraoi nakon te buaka, ao a raonaki iroun te UEA. Ao a ikotaki n te tabo teuana are aoraoi i rarikin Ieriko.

Iotua 5:10

Ngke a tabe ni motirawa kanoan Iteraera i Kirekara n te tabo ae aoraoi i rarikin Ieriko, ao a karaoa te toa are te riao ni moan tairikin te katebwi ma aua ni bong n te nam'akaina.

Tani Motiki-taeka 3:3

kaain Biritia ma aia taan tautaeka ake nimaua, ao ai uana naba ma kaain Kanaan, kaain Titon, ao kaain Eta ake a maeka ni Maungan Reb'anon man te Maunga are B'aaraoman nako Kawain Amata.