Ieremia 38:22 - Te B'aib'ara

²² ao ane a na uotaki nako ainen am bareti b'a taenikai irouia ana mataniwi Nebukaneta. Ao ane a na kaangai aine aikai nakoim: A kairiko nako raoraom aika ko onimakiniia. Ao ngkai ko a m'ane n te bokaboka, ao a tia n rairaki ni kiitaniko raoraom ake ko onimakiniia.

Ieremia 38:22 ပူးပေါင်းရင်းမြစ်များ

Iobi 6:15

Ma ngkami raoraou, kam kam'aneai kaanga taian karaanga n ran aika b'atakataka ngkana e aki b'ab'aka te karau.

Taian Areru 41:9

Ao e eekainako naba te aomata ae bon raou ni koaua ae I onimakinna, ae raoraou n am'am'arake.

Taian Areru 69:14

Ko na kamaiuai b'a N na aki i nako i nanon te riburibu, Kawakinai ao kamaiuai mairouia ake a riribaai ao mai nanoni marawa.

Taian Areru 69:2

Ae I a tabe n inako, n te tabo ae akea iai te tabo n tei; I mena n te tabo ae marawa, ao I a kani kab'ab'aai n naao.

Itaia 42:17

A na bane aomata aika a taromauriia taian bouannanti b'a kaanga antiia ni kamamaaeaki n ae moan te korakora.

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 27:14

A a tia n tuangngkami ami burabeti b'a akea manenan te ongotaeka i roun Nebukaneta, ma kam na aki ongo n aia kewe.

Ieremia 27:15

A taku burabeti aikai b'a a taetae i bukin te UEA, ma E bon aki kanako ia te UEA. A kewe! Ngkana kam karaoa ane a taku, ao kam na kaai n uaakinaki ma ngaia nakon te aba teuana ma n tiringaki. Bon anne Ana taeka te UEA.

Ieremia 38:19

Ao e kaeka Tetekia, “I bon aki konaa n taenikai nako ia kaain B'aburon. I bon rangi ni maakuia taiani Iutaia ake a kaman reitaki ma ngaiia. B'a ane a na anga ngai kaain B'aburon nako ia taiani Iutaia akanne, ao a na bae ni kamarakai.”

Ieremia 38:21

Ma E a tia n te UEA ni kaotia nako iu b'a ngkana ko rawa n ongotaeka,

Ieremia 41:10

Nebutaratan, are mataniwiia ana taanga ni buaka te uea are Nebukaneta a tia ni katuka natin te uea are Tetekia te aine ao aomata aika a m'aiti i Mitib'a, ao a katuka Ketaria b'a te tia tararuaia. Ma n te tai aei, e kabaneia ni uotiia nako Itimaera b'a taenikai ao e kairiia ni kaineta Ammon, ni iteran te Karaanga are te Ioretan are te iterana.

Ieremia 43:6

Ma ngaia are, ti a kairaki nako irouia Ioanan ma aobitia ni kaineta Aikubita. Ao a kiitana Iuta te koraki n reitaki ma koraki ake a maaenako ngkoa nakon aba tabeua ao koraki naba ake a tib'a oki ni maeka i Iuta.

Ieremia 46:21

Ane a na rairaki ni biri, aia tautia ianena aika a kabooaki. Ma a reke n te kabuanib'ai, kaanga taian kao ataei aika a kamarikaaki raoi aika a kairaki nakon te tia tiringa te tiibu.

Ieremia 46:5

I konaa n noora te buaka ngkai kam a taenikai ao kam biri nako, n aki manga tatanrikaaki. E otab'aniniingkami te maaku.

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

B'aeb'aeti 1:13

E kanakoa te ai mai karawa, ae e ura i nanou. E taakina te b'ai ni kam'ane i m'aaiu, ao E tauai iai, ao E kiitanai ni katukai ma te maraki.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 5:11

A tauia buura i aon te maunga are Tion, ao a kairoroia natira ataei n aine b'a ana anga rab'ataia i nanon kaawan Iuta.

Mika 7:5

Tai onimakina ane ko itabon auti ma ngaia, ke ni kakoaua raraom. Kakawakina naba wiim man te b'aab'arantiko, e ngae ngkana boni buum.