Ieremia 38:17 - Te B'aib'ara

¹⁷ Ao i mwiina, I tuangnga ana taeka te UEA ae e kaangai: “Tetekia, bon te UEA Ngai ae Moan te M'aaka ae Atuaia Iteraera. I berita b'a ngkana ko taenikai irouia ana aobitia Nebukaneta, ao a na aki tiringaki am utu, ao e na aki kabuokaki ni kab'akaaki Ierutarem.

Ieremia 38:17 ပူးပေါင်းရင်းမြစ်များ

Karikani B'aai 12:13

Ko na tuangiia b'a aongkoa m'aneu ngkoe, ao ane a na kamaiuai ma n akoai.”

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

2.Uea 25:27

E riki b'a te bure Ieoiakin i B'aburon i nanon 37 te ririki. Ao e manga uea i B'aburon, ao i nanon ana moan ririki n tautaeka, n te ka 27 ni bongin te katebwi ma uoua n nam'akaina, ao e a kainaomata Ieoiakin man te karabuuti.

1.Rongorongo 17:24

Ao ane Ko na kakannato iai n aki toki, ao ane a na bane ni kaangai aomata, “E tautaekana Iteraera te UEA are Moan te M'aaka ao bon Atuaia.” E na korakora abanueau,

Etira 9:4

ni karokoa e a roko tain te angakarea are n te tairiki. A m'aiti ara aomata ake a tabeaianga ao a ikotaki ni katobibiai, i bukina ngke e a tia Atuan Iteraera n tuangiira b'a ti na kararoaira mairouia Ianena.

Iobi 23:13

E aki kona ni bitaki; bon akea ae kona n rairia, ke ni katokia man karaoan te b'ai are E tangiria

Taian Areru 80:14

Te Atua are Moan te M'aaka, Ko na rairaki n okirira! Ko na taraira mai karawa; nako mai ao buokiia am Botannaomata!

Taian Areru 80:7

Te Atua are Moan te M'aaka, Ko na kaoka kab'aiara nakoira; Kaota nakoira am Nanoanga, ao ti na kamaiuaki iai!

Ieremia 27:12

I mwiin taetaeu nako ia mataniwiin abanuea ake i rarikira, ao I a nakon te uea are Tetekia ma n tuangnga te b'ai naba arei. Ao i mwiina, I taku: Tetekia, ngkana kam tangiria ni maiu ngkoe ma kaain Iuta, ao kam riai n ongotaeka nakon Nebukaneta ao kaain B'aburon.

Ieremia 27:17

Ngkana kam iangoia b'a kam na ongotaeka i roun uean B'aburon, ao kam na maiu. Ma ngkana kam ongo irouia burabeti aikai, ao e na riki te kaawa aei b'a b'ariko ni b'ai aika a uruaki.

Ieremia 27:8

E tei te amo i bukin m'aakan te uea are Nebukaneta, ao N na uruan aroia botannaomata ni kabane akana a rawa n ongotaeka i rouna. E na buakanaki i roun Nebukaneta, ao a na m'aiti akana ana mate n te buaka ke te baki ao te aoraki.

Ieremia 38:2

Ana taeka te UEA ae e kaangai, “E na mate n te buaka ke n te baki ke te aoraki te aomata ane e tiku i nanon te kaawa. A na bon aki tiringaki koraki aika otinako n taenikai nako ia kaain B'aburon; a na tiringaki ngkana a biri nako n rawei maiuia.”

Ieremia 39:3

Ngke e tauaki Ierutarem, a bane n roko ana mataniwi aika a rietaata uean B'aburon n taui aia tabo i nuukan te Mataroa are Nuuka, n reitaki ma Nerekara Tiaretera, Tamkara Nebo, Taretekim, Raba Tarita, ao Nerekara Tiaretera are teuana.

Ieremia 40:9

Ao e taku Ketaria nako iu, “Ko aki riai ni maakuia kaain B'aburon. Bon akea te b'ai e konaa n riki nakoim, ko na maiu raoi ma n ongotaeka i roun te Uea are Nebukaneta.

Ieremia 44:7

Ao e aera ngkai kam kamatoa naba ni manga uaa koron te kaanganga riki teuana? Te kabuanib'ai are e na aki ti uruaningkami, ma e na uruani naba natimi ao ami ataei aika a uarereke.

Etekiera 8:4

Ao i mwiina, I noora raneanean mimitongin Atuaia Iteraera, n aron are I a tia n nooria i rarikin te Karaanga are Keeb'ara.

Amota 5:27

ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.