Ieremia 37:21 - Te B'aib'ara

²¹ Ao e anga ngai te uea are Tetekia b'a N na kainaki n te karabuuti n aia katawanang taan tei n te bareti. E tuangiia tautia b'a a na angaanganai te kariki mai buakon ake a kam'aaki ni katoa bong ni karokoa banen te uita man te kaawa.

Ieremia 37:21 ပူးပေါင်းရင်းမြစ်များ

Iobi 5:20

E na kamaiuko ngkana e roko te rongo, ao e na kawakiniko man te mate ngkana e roko te bo ni buaka.

Taian Areru 37:19

A na aki bo ma te kaangaanga ngkana a bubuaka kanoani boong; a na bati kanaia n tain te rongo.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 21:1

Bon te UEA ae e tararuaia taan tautaeka, n aron raangan taiani karaanga aika e a tia ni baairei aroia.

Itaia 33:16

A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Ieremia 20:2

ai ngaia are e a oreai naba. Ao i mwiina, e tua b'a N na katikaki ma ni kabaeaki n taian tiein n te Mataroa are Beniamin i nanon ana Tembora te UEA.

Ieremia 32:2

N te tai anne, a tia ni katobibia Ierutarem tautian B'aburon, ao I mena ngai n te karabuuti n aia katawanang n tei n te bareti.

Ieremia 32:8

Ao e roko Ananera, n aron are E a tia ni berita iai te UEA ao e taku, “Taiaoka kabooa te tawaana are i rarikin Anatota i abaia te baronga are Beniamin. Bon iai riaina iroum ni kabooa, ao ngkana ko kabooa e na tiku iai i nanon ara utu.” E a tia n tuangai te UEA b'a N na kabooa

Ieremia 33:1

Ngke I bon mena naba n te karabuuti n aia katawanang taan tei n te bareti, ao e roko ana rongorongo te UEA irou.

Ieremia 38:13

a katikairake mm'aane ni kaotinakoai man te m'anib'a. Ao mai mwiin te tai anne, I a kawakinaki i nanon aia katawanang taan tei n te bareti.

Ieremia 38:28

Ao I katukaki n aia katawanang taan tei n te bareti ni karokoa te tai are e kataenikaiaki iai Ierutarem.

Ieremia 38:6

Ao i mwiin anne, a kaokai nakon aia katawanang taan tei n te bareti, ao a nnaai rikaaki n te roobu nako nanon te m'anib'a are ana m'anib'a Marekia, are te natinuea te mm'aane. Bon akea te ran i nanon te m'anib'a arei, ao I a inako i nanon te bokaboka.

Ieremia 38:9

Te uea ae ko karineaki, bon te burabeti Ieremia, ao a karaoa ae e aki raoiroi mm'aane aikai nakoina ngkai a karenakoa nakon te m'anib'a. Ao e na bon mate i nanona ikekei Ieremia ngkana e a bane te am'arake mai Ierutarem.”

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

B'aeb'aeti 5:10

A bue rab'atara ni korakoran te baki, ni karokoa e a kabuebue kunra n ai aron te ai ni umum.

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

M'akuri 12:5

Ma ngaia are, e kawakinaki Betero i nanon te karabuuti; ao a kakorakoraia kaain te ekaretia n tataro nakon te Atua i bukina.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 28:16

Ngke ti rin i Rom, ao e kariaiakaki B'auro b'a e na maeka n ti ngaia ma te tautia temanna are teteiakinna.

M'akuri 28:30

E maeka B'auro ua ririki n te auti ae e kaboa tikuna iai, ao e m'aneia n akoia aomata ni kabaneia ake a roko i rouna.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Ebeto 6:20

are te tia taetae ngai i bukina ae I kabaeaki iai n te taurekereke; b'a I aonga n taekinna n aki mamaku, n te aro ae riai b'a N na taekinna iai.

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.