Ieremia 37:18 - Te B'aib'ara

¹⁸ Ao i mwiina, I reitanako au taeka ao I kaangai, “Teuae ko karineaki, E aera ngkai ko karinai n te karabuuti? I a tia ni kaairua n eekinakoko ma am mataniwi ke te botannaomata?

Ieremia 37:18 ပူးပေါင်းရင်းမြစ်များ

Karikani B'aai 31:36

Ao e maraki nanon Iakob'a ao e taku, “Tera te kaairua ae I a tia ni karaoia? Tera te tua ae I a tia n urua are ko riki ni kakioai iai?

Taeka n Rabakau 17:13

E na teimatoa n reereke iroumi te kangaanga ngkana kam karaoa ae e aki raoiroi nakoia aika a raoiroi nakoim.

Taeka n Rabakau 17:26

E bon aki riai katuaaean te aomata ae akea ana bure ao aika a kaakaraoa ae e eti.

Ieremia 26:19

Ao a manga kaeka taani kairiiri ni kaangai: Bon akea ae e tiringa Mika i bukin taekinakin anne. Ma n onean mwiin anne, e tataro Etekia nakon te UEA ma te maaku ao te ruru ao e butiia b'a e na nanoangaia. Ao i mwiin anne, e baaireia te UEA b'a E nang katoka uruan Ierutarem, e ngae ngke a tia n taekina b'a E na karaoia. Kaain Iuta, ngkana kam tiringa Ieremia, ao ti bon karokoa iai te kabuanib'ai ae e kakamaaku nakoira.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Ioane 10:32

E taku Iesu nakoia, “I a tia ni kaoti nakoimi m'akuri aika bati aika raraoi mairoun te Tama; e nga i buakoia ae kam na karebanai iai i bukina?”

M'akuri 23:1

E kaeti matana B'auro n taraia kaain te Tanirim, ao e taku, “Taari, I a tia ni maiu i matan te Atua ma mataniwin nanou ae itiaki ni karokoa te bong aei.”

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

M'akuri 25:11

Ma ngaia aei, b'a ngkana I a tia ni karaoa ae bure, ao I a tia ni karaoa te b'ai ae riai mateu iai, ao I aki rawa ni mate; ma ngkana tao akea nanoni baikana a bukinai iai, ao bon akea temanna ae kona n anganiia ngai. I bubuti b'a e na motika taekau kautun te tautaeka n Rom.”

M'akuri 25:25

Ma I kunea b'a akea te b'ai ae e a tia ni karaoia ae riai matena iai; ma ngke e taetae b'a e na motikaki taekana iroun Aukitito, ao e reke nanou b'a N na kanakoa nakoina.

M'akuri 25:8

E taetae ngkanne B'auro ni kaitarai bukinana ao e taku, “Akea te b'ai ae I a tia ni karaoia ae bure nakon aia Tua I-Iutaia, ma te Tembora, ao nakoni kautun te tautaeka n Rom.”

M'akuri 26:31

ao ngke a nako ao a taetae i rouia ni kaangai, “E aki karaoa ae e riai matena iai, ke kabaeana iai te aomata arei.”

I-Karatia 4:16

I a riki ngkai b'a ami kairiribai ngkai I taekina te koaua nakoimi?