Ieremia 37:17 - Te B'aib'ara

¹⁷ I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 37:17 ပူးပေါင်းရင်းမြစ်များ

1.Uea 22:15

Ao i mwiina, ao e a nako Mikaia ni kawara Aaba, ao e a taku Aaba nakoina, “Mikaia, N na buakana Turia i Ramota ke N na aki?” Ao e taku Mikaia, “Eng, ko na buakanna b'a E na anganiko te UEA te tokanikai.”

1.Uea 22:16

Ao e takaarua Aaba ni kaangai, “Mikaia, ai iraua te tai ae I tuangko iai b'a ko na tuangai raoi te koaua. Tera raoi ae E taekinna te UEA nakoim?”

2.Uea 25:7

A tiringaki natin Tetekia bon i matana. A autaki kanoani matana ni karebenakoaki, ao e kabaeaki n taurekereke ma ni uaakinaki nako B'aburon.

Ieremia 15:11

Ao E kaeka UEA ni kaangai, “I berita b'a N na kaawakiniko, ngkana e roko te kabuanib'ai, ao nako ia naba ami kairiribai ngkana a buubuti buokaia.”

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 24:8

Taian biiku ake a buakaka a tei i bukin uean Iuta are Tetekia, ma ana mataniwi, ao ake tekorakina ni kabaneia ake a uotaki nako B'aburon, e ngae ngke tao a tiku ikai i Iuta ke a tia n nako Aikubita.

Ieremia 25:35

Bon akea te tabo ae kam na biri nako iai, ao akea te tabo ae kam na karabaingkami iai.

Ieremia 37:3

Ao Tetekia e kanakoa Ieukara are natin Teremia te mm'aane ao te ibonga ae e rietaata are Teb'ania are natin Maateia te mm'aane b'a a na buubutiai b'a N na tataro i bukina ma te botannaomata nakon te UEA ae Atuara.

Ieremia 38:5

Ao e kaeka te uea are Tetekia ao e taku, “E raoiroi, kam konaa ni karaoa ane kam taku nakoina; I aki konaa ni katoki ngkami.”

Ieremia 52:8

Ma a kakioa te uea are Tetekia ana taanga ni buaka B'aburon, ao a reke i rarikin Ieriko, ma a bane ni birinako ana tautia ni uamaae nako nakon taabo aika a kakaokoro.

Etekiera 7:26

Ane a na okioki te waaki aei, ao ane kam na ongo te rongorongo ae e aki kakukurei. A na buubutia te burabeti aomata b'a e na kaongoraaia au rongorongo. A na toki ni kab'arab'araa au Tua ibonga, ao a na aki konaa naba n anga taeka n reirei taan iango.

Warekaia Iteraera 23:17

Ao e oki B'araam ao e nooria b'a a teitei i rarikin taiani karea ma ana aobitia. Ao e titiraki B'araka, ao e taku, “E kanga Ana taeka te UEA?”

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.