Ieremia 37:15 - Te B'aib'ara

¹⁵ Ao a bononnanoai ao a anga ngai b'a N na oreaki ao a kainai i nanon ana auti Ionatan, are te tia koroboki n te bowi ni kaburebure, are e a tia ni karaoaki ana auti b'a te karabuuti.

Ieremia 37:15 ပူးပေါင်းရင်းမြစ်များ

Karikani B'aai 39:20

ao e katika Ioteb'a ni karinna n te karabuuti n te tabo are a kainaki iai ana bure te uea, ao e a tiku ikekei.

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

2.Rongorongo 18:26

Ao tuangiia b'a a na kainna n te karabuuti ao tai anganna kanana ma ti anganna te kariki ma te ran ni karokoa I oki rikaaki man te buaka ma te maiu.”

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 26:16

A kaangai taani moti ma aomata ake tabeman nako ia ibonga ma burabeti, “Ngkai e a tia n tuangiira Ieremia ana taeka te UEA ae Atuara, ao ti aki iangoia b'a e na riai matena.”

Ieremia 32:2

N te tai anne, a tia ni katobibia Ierutarem tautian B'aburon, ao I mena ngai n te karabuuti n aia katawanang n tei n te bareti.

Ieremia 37:20

I buutiiko b'a ko na aki kaokai nakon te karabuuti arei are ana auti Ionatan. N na bon mate ngkana ko karaoa anne.”

Ieremia 37:4

I bon tuai ni karinaki n te karabuuti b'a I bon inaomata n nakonako n aki akaaka i buakoia aomata.

Ieremia 38:26

Ma ngaia are, ngkana a titirakiniko ao tuangiia b'a aongkoa ko buubutiai b'a N na aki kaokiko nakon te karabuuti are n ana auti Ionatan, b'a ko na mate ngkana I kaokiko nako ikekei.”

Ieremia 38:6

Ao i mwiin anne, a kaokai nakon aia katawanang taan tei n te bareti, ao a nnaai rikaaki n te roobu nako nanon te m'anib'a are ana m'anib'a Marekia, are te natinuea te mm'aane. Bon akea te ran i nanon te m'anib'a arei, ao I a inako i nanon te bokaboka.

Ieremia 39:15

Ao E taetae nako iu te UEA ngke I riki b'a te bure n te karabuuti are n aia katawanang taan tei n te bareti n tuangai b'a N na taetae

Mataio 21:35

Ma taan tararua te onaroka a tauia ana toro; ao a batiboa temanna, ao a kamatea temanna, ao a karebanaa temanna n te atibu.

Mataio 23:34

Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Ruka 22:64

A kabaei naba matana n rabuni, ao a titirakinna, ni kangai, “Kaotia; antai ae oreiko?”

Ioane 18:22

Ao ngke E atonga aei Iesu, ao e a oreia naba temanna irouia bureitiman ni baina, ao e taku, “Ngaia anne arom ni kaekaa aia mataniwi ibonga?”

M'akuri 5:18

a tauia taan tuatua, ao a kaakiia n te karabuuti.

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.